Виждон эркинлиги ва диний ташкилотлар тўғрисида

ХИЖОБНИ ХИРСГА АЙЛАНТИРМАНГ!
“Виждон эркинлиги ва диний ташкилотлар тўғрисида”ги Қонун Президент томонидан имзоланди

Ушбу қонунни тайёрлашда халқаро меъёрлар ва талаблар, биринчи навбатда, Инсон ҳуқуқлари умумжаҳон декларацияси, Фуқаролик ва сиёсий ҳуқуқлар тўғрисидаги халқаро пакт ҳамда БМТнинг Инсон ҳуқуқлари бўйича қўмитасининг умумий тартибдаги шарҳлари инобатга олинган.

Қонун билан:

➖ шахсларга диний қарашларни мажбуран сингдиришга йўл қўйилмаслиги қатъий белгиланди;

➖ амалдаги қонунчилик ҳужжатларида ҳуқуқий таърифи мавжуд бўлмаган “ибодад либоси” тушунчаси чиқариб ташланди;

➖ диний ташкилотни давлат рўйхатидан ўтказишда маҳалла фуқаролар йиғинлари розилигини олиш тартиб-таомили мутлақо бекор бўлди;

➖ диниий ташкилот раҳбарининг Ўзбекистон фуқароси бўлиши тўғрисидаги талаб чиқариб ташланди;

➖ диний ташкилот тузиш учун талаб этиладиган ташаббускорларнинг сони икки баробарга, яъни 100 нафардан 50 нафарга камайтирилди;

➖ диний ташкилотни давлат рўйхатидан ўтказиш билан боғлиқ барча хизматлар тўлиқ электрон кўринишда амалга оширилиши жорий этилди, адлия органига тақдим этиладиган ҳужжатлар сони қисқарди.

Шу билан бирга, диний ташкилотнинг фаолиятини тўхтатиб қўйиш ва тугатиш фақатгина суд тартибида бўлиши, рўйхатдан ўтказувчи ва бошқа давлат органлари бунга ҳақли эмаслиги, мансабдор шахсларнинг диний ташкилотнинг қонуний манфаатларини бузувчи хатти-ҳаракатлари устидан судга мурожаат қилганда диний ташкилот давлат божини тўлашдан озод этилиши каби қўшимча кафолатлар назарда тутилди.