Vetinariya 2016. pmd

Amaliy mashg‘ulot.

Teri orasiga in’eksiya qilish – ko‘pincha allergik preparatlarni

hayvonlarda yuqumli kasalliklarga diagnostik tekshirish o‘tkazilganda

bajariladi. Buning uchun 2 ml li shprislar va maxsus ignalar

qo‘llaniladi. Ikki barmoq orasiga qisib ushlangan ignani teri orasiga

uning yuzasiga parallel ravishda  sanchiladi. Sanchish joyi katta

hayvonlarda bo‘yin yonboshining o‘rta qismi, kichik hayvonlarda –

dum osti terisiga; cho‘chqalarda quloqning tashqi va ichki yuzasi,

parrandalarning halqasiga yuboriladi.

Teri ostiga in’eksiya qilish – asosan, ko‘proq suvli, kamroq

yog‘li eritmalar yuboriladi. Suspenziyali, giðertonik va qitiqlovchi

eritmalar yuborish taqiqlanadi, chunki bu moddalar infiltratli

yallig‘lanish va nekrozlar rivojlanishiga sabab bo‘ladi. Igna tortib

ko‘tarilgan teridan sanchib o‘tkazilib, teri ostiga yuboriladi – ot va

qoramollarda  bo‘yinning yonbosh yuzasiga, ko‘krak ostiga,

qo‘ylarda – sonning ichki yuzasiga, it va mushuklarda bo‘yniga,

ko‘krak to‘shiga yuboriladi. Dorilarning ta’siri 10–15 minutdan keyin

boshlanadi.

Muskul orasiga in’eksiya qilish – bu kam og‘riqli usul bo‘lib,

suvli-yog‘li eritma va suspenziyalar yuboriladi. Qitiqlovchi moddalar

yuborish taqiqlanadi. Muskullar qon tomirlar bilan yaxshi

ta’minlangan bo‘lib, dorilarning so‘rilishi tez kechadi. Katta

hayvonlarda in’eksiya joyi – son orqasidagi chuqur muskullari,

bo‘yin muskullari, ko‘krak oldi, yelkaning uch boshli muskuli.

Cho‘chqalarda - quloq asosida, bo‘yin muskullari, it va mushuklarda

– son orqasi muskullari, sonning ichki yuzasi, yelkaning uch

boshli muskuli, parrandalarda to‘sh va son sohasi hisoblanadi.

Vena ichiga in’eksiya qilish – faqatgina suvli eritmalardan

foydalaniladi, chunki suspenziya va yog‘li eritmalar emboliya

---

23

chaqirishi mumkin. Venaga in’eksiya  qilish tez davolashga erishish

maqsadida, ko‘p miqdorda suyuqlik quyish kerak bo‘lganda yoki

boshqa yo‘llar orqali dori yuborish mumkin bo‘lmaganda bajariladi.