Vetinariya 2016. pmd

9-mavzu. Qorin va to‘g‘ri ichak kasalliklari

Kindik dabbasi – kindik teshigidan charvi va ichki organlarning

chiqib qolishiga kindik dabbasi deyiladi. Tug‘ma dabba kindik

teshigining bitib ketmasligidan paydo bo‘ladi. Keyinchalik paydo

bo‘ladigan dabba qorin devorining shikastlanishi (lat eyish, yiqilish

va hokazolar) va qorin ichi bosimining ortib ketishi tufayli bo‘ladi.

Dabba ko‘pincha toy va cho‘chqa bolalarida uchraydi.

Klinik belgilari.  Hayvon kindigida yarimsharga o‘xshash yumshoq

va og‘rimaydigan shish paydo bo‘ladi. Bu shishni bosib va ezib

ichidagi narsalarni (charvi, ichak qovuzloqlarini) qorin bo‘shlig‘iga

kiritib yuborish mumkin, bunda dabba xalqasini ushlab ko‘rsa bo‘ladi.

Qaytib ketmaydigan dabba bunday bo‘lmaydi.