Hayvonlarni operatsiyaga tayyorlash
O‘tkaziladigan operatsiyaning natijasi shunga bog‘liq bo‘lganligi
sababli ularni operatsiyaga tayyorlash muhim ahamiyatga ega.
Operatsiyadan oldin hayvonlarning hayotiy zarur organlari (yurak,
o‘pka, jigar) ish faoliyati tekshiriladi. Ulardagi o‘zgarishlarni o‘z
vaqtida aniqlab, to‘g‘ri chora-tadbirlar tuziladi. Tekshirish vaqtida
yuqumli kasalliklar aniqlansa, tez orada uning oldini olish
choralarini ko‘rish lozim bo‘ladi. Operatsiya rejali ravishda olib
borilsa, unda hayvon 12 yoki 24 soatli och, yarim och diyetada
saqlanadi, hayvon organizmining himoya reaksiyalari pasaysa uni
ko‘tarish maqsadida qon quyiladi (autogemoterapiya),
vitaminoterapiya, antibiotik va sulfanilamid davolashlar o‘tkaziladi.
Operatsiyadan oldin hayvonning to‘g‘ri ichagi va siydik pufagini
bo‘shatish lozim. Agar hayvon teri qoplamasi haddan tashqari
ifloslangan bo‘lsa iliq suvda yuviladi, tuyoqlari 2 % li kreolin
eritmasi bilan vanna qilinadi.
Do'stlaringiz bilan baham: |