«veterinariya» ixtisosligi bo’yicha oliy o’quv yurtlari uchun qo’llanma

Vitaminoterapiya 
- ko’pincha vitaminlar organizmga ehtiyojdan 
kam miqdorda tushganda yoki oshqozon va ichaklarning kasalliklari 
oqibatida ularning so’rilishi yomonlashgan paytlarda qo’llaniladi. 
Masalan, trivit, tetravit, vitaminli baliq yog’i, S, V
1
, V
6
, V
12 
vitaminlari 
preparatlarini yoki vitaminlarga boy diyetik oziqalarni qo’llash. 
Vitaminoterapiya mineral moddalar tuzlari va boshqa davolash 
usullari bilan birgalikda qo’llanilganda yaxshi natija beradi. 
Fermentoterapiya
ham vikar terapiyaning bir turi bo’lib, 
organizmda fermentlar yetishmaganda ularning preparatlari qo’llaniladi. 
Masalan, sun’iy va tabiiy oshqozon shirasi, pepsin kabilar gastrit va 
dispepsiyani davolashda ishlatiladi. Sun’iy oshqozon shirasidan (1 l 
distillangan suv, 5 ml xlorid kislota, 10 g tibbiyot pepsini) buzoqlarga 
30-50, cho’chqa bolasiga 15-20 ml ichiriladi. Tabiiy oshqozon shirasi 
oshqozon va ichaklar sekresiyasi pasayganda qo’llaniladi, chunki tabiiy 
oshqozon shirasi tarkibida pepsin va xlorid kislotadan tashqari shirdon 
fermenti lipaza, gastromukoproteidlar, xloridlar, fosfatlar va ba’zan 
vitaminlar bo’ladi. 
Nospesifik stimullovchi terapiya 
- parchalanish yoki eritish yo’li 
bilan tayyorlangan qon, oqsilli moddalar, to’qima preparatlaridan 
davolash maqsadlarida foydalanishni ko’zda to’tadi. Dori vositalarini 
qo’llash bilan nerv tizimiga ta’sir etish orqali patologik jarayonni 
yo’qotish bu usulning mohiyatini tashkil etadi. 
Amaliyotda nospesifik stimullovchi terapiya usullaridan proteino-
terapiya, seroterapiya, gemoterapiya, gistolizatoterapiya, sitotoksino-
terapiya, to’qima preparatlari bilan davolash kabilar organizmning 
himoyalanish va immunobiologik xususiyatlarini oshirish, nospesifik 
immunitetni yaxshilash maqsadida keng foydalaniladi.