«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Даволаш ва профилактикаси. Отардаги қўзилар орасида касаллик қайд этилганда 0,1% ли мис сульфат эритмаси бир бошга бир суткада 5-10 мл ҳисобда 1 литр сут билан қўлланилади. Қўзиларни сигир сути билан боқиш лозим. Қўйлар ва бошқа ҳайвонлар рационига мисга бой озиқлар: тоғолди, чўл зоналарида етиштирилган табиий ўтлар пичани, буғдой, эспаруст, беда кўк массаси, соя, кунжара, широт киритилади.
Гипокупрознинг олдини олиш мақсадида мис сульфат меъёрлар асосида қўлланилади. 1 кг мис сульфат 1 тона ош тузига аралаштирилиб ҳайвонларга эркин ҳолда берилади. Мис элементи етишмайдиган ҳудудларда 1 га ҳайдаладиган ерга 3-7 кг мис сульфат солинади ёки яйловга сепилади.

23-машғулот. Гиповитаминозларнинг диагностикаси.

Режа:
23.1. Қон зардобидаги каротинни аниқлаш.
23.2. Қон зардобидаги ретинолни аниқлаш.
Машғулотнинг мақсади: талабаларга ретинол етишмовчилигининг клиник ва лаборатор ташҳис усуллари, касал ҳайвон қонидаги каротин ва ретинол миқдорини аниқлаш ва текшириш натижаларини таҳлил қилишни ва витаминли препаратларни ҳайвонларда қўллашни ўргатиш.
Машғулотнинг бориши: Қон зардобидаги каротинни аниқлаш (Карр-Прайс усули, Юдкин модификацияси).
Усулнинг принципи. Каротиннинг қон зардобидаги (плазмадаги) оксидлардан петролей эфири ёки авиация бензини таъсирида ажралишга асосланган. Каротин экстрактининг экстинцияси фотоэлектроколориметрда аниқланади.
Реактивлар: 1) Петролей эфири (ч) ёки Б-70 маркасидаги авиация бензини;
2) 96%-ли этил спирти;
3) Асосий стандарт эритма: 360 мг бихромат калийни улчов колбасида дистилланган сувда эритиб, суюқлик ҳажми 500 мл гача етказилади.
Ишчи стандарт эритма (текшириш олдидан тайёрланади) 2,4 мл асосий стандарт эритмага 2,6 мл дистилланган сув солинади. Бу эритма таркибида 1 мг% каротин бўлади.
Аппаратуралар: Фотоэлектроколориметр, центрифуга ва пробиркалари, шиша таёкчалар, 5 мл ҳажмли пробирка (бўлакларга бўлинган).