«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Д иатермия (Индуктотермия) - частотаси 0,5-2 млн Гц, ток кучи 3А ва кучланиши 200-250 В бўлган электр токи билан даволаш усули. Диатермия пайтида тананинг ва шунингдек, ички аъзоларнинг ҳарорати 2-4⁰С га кўтарилади. Ички суюқлик миқдори камаяди, оғриқ пасаяди, тўқималар трофикаси ва экссудатнинг сўрилиши тезлашади, тўқималарнинг бактерицидлик хусусияти ва улардаги биокимёвий жараёнлар жадаллашади. Диатермиядан бронхит, пневмония, тромбофлебит, спастик коликлар, сурункали ошқозон-ичак касалликлари, ярим ўткир нефрит, нефроз ва периферик асаб тизими ва нафас тизими касалликлари, спастик колик ва энтералгияларни даволашда фойдаланилади.
У
УЮЧ-терапия аппарати
ЮЧ терапия – ультра юқори частотали электромагнит майдонига эга бўлган электр токи билан даволаш усули. УЮЧ терапияда электродлар орасида жойлашган ҳайвон танасига 30-300 Гц частотали ва 1-10 м тўлқин узунлигига эга бўлган электромагнит майдони таъсир этади ва натижада майда қон томирлари кенгаяди, тўқималараро иссиқлик ошади, ҳужайра мембранасининг электр заряди ва коллоидлар тузилиши ўзгаради, катализаторлар ва ферментлар фаоллиги ошади, эритропоэз ва фагоцитоз кучаяди. УЮЧ терапиядан крупоз пневмония, плеврит, коликлар, фалаж ва ярим фалажлар, фронтит, гайморит ва флегмоналарни даволашда фойдаланилади. Ҳавфли ўсмалар, геморрагик диатез, ўпка ва бош мия шиши ва йирингли-септик жараёнларда УЮЧ терапия тавсия этилмайди.

8-машғулот. Юрак - қон томир тизими касалликларини даволаш.

Режа:
8.1. Юракнинг ишига таъсир этувчи дорилар ва уларга рецептлар ёзиш.
8.2. Юракка таъсир этувчи дориларни касал ҳайвонда қўллаш.


Машғулотнинг мақсади: талабаларга юракка таъсир этувчи дориларни таъсир механизмлари ва уларни касал ҳайвонга қўллашни ўргатиш.
Керакли жиҳоз, реактив ва асбоб-ускуналар: юракка таъсир этувчи дориларни (кофеин, кордиамин, строфантин, наперестянка ва б.) намуналари, стерил шприц ва игналар, клиник текшириш асбоблари, касал ҳайвонлар;