«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Ташхиси. Қисқа вақт ичида гипертония, шишлар, протеинурия, олигурия, гематурия белгиларининг пайдо бўлиши, сийдикда эпителий ва цилиндрларни бўлиши каби белгилари эътиборга олинади. Нефроз, пиелит, уроцистит, сийдик-тош касалликларидан фарқланади. Нефрозда - гематурия, гипертония, юрак гипертрофияси кузатилмайди.
Даволаш. Нефритни даволашда 1-2 кун оч қолдириш диетаси, кейин оқсилларни кам миқдорда сақловчи озиқалар: сифатли пичан, илдизмевалилар, донлар ёрмаси, гуштхўр ҳайвонлар ва чўчқаларга – сут маҳсулотлари, бўтқа васабзавотлар тавсия этилади. Туз бериш чегараланади. Шишлар пайдо бўлишида сув бериш ҳам чегараланади.
Медикаментоз даволаш юрак етишмовчиликлари ва гипертонияни йўқотиш, сенсибилизация ва аллергик ҳолатга қарши, антимикроб ва уремияни олдини олишга қаратилган бўлиши керак. Бунинг учун напрестянка, кофеин, камфора препаратлари, диурезни кучайтириш мақсадида темисал, калий ацетат, калий нитрат, диакарб ва лазикс препаратлари тавсия этилади. Сенсибилизацияни йўқотувчи ва аллергияга қарши препаратлардан димедрол (1%ли эритма ҳолида итларга – 0,-1 мл, 1 кунда 3 марта, мускул орасига), супрастин, кальций глюканат аскорбин кислотаси ва рутин тавсия этилади. Паранефрал новокаинли блокада қилинади ёки 0,5-1 % новокаин эритмасидан 100-200 мл, аскорбин кислотаси билан аралаштириб венага юборилади, 25%-ли магний сульфат эритмасидан катта ҳайвонларга 20-40 мл вена қон томири орқали юбориш, гормонал препаратлардан преднизолон, кортикотропин, кортизон, дексаметазон кабиларни тавсияномасига асосан қўллаш нефритни ўткир ва шунингдек, сурункали кечишида ҳам яхши натижа беради.
Нефритнинг кўп ҳолларда инъфекция омили таъсирида келиб чиқишини ҳисобга олган ҳолда кенг таъсир этиш хусусиятига эга антибиотиклар, нитрофуранлар ва сульфаниламид препаратлари билан даволаш курси ўтказилади. Бунда ампициллин, гентамицин, цефалоридин, уросульфан, бисептол, этазол кабилар яхши самара беради. Нефротик таъсига эга бўлган антибактериал препаратларни (тетрациклин, неомицин) қўллаш мумкин эмас. Уремия синдроми кузатилганда қон оқизиб юбориш, резерпин, гипотеазид препаратлари тавсия этилади.