«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Сульфаниламидлар деб таркибида оқ стрептоцид молекукласи сақловчи азотли бирикмаларга айтилади. Норсульфазол, сульфадемизин, сульгин, сульфантрол, уросульфан, дисульфармин ва ҳакозо. Касал ҳайвон қонида микроорганизмлар томонидан ажратилган ферментлар парааминобензой кислотаси билан бирикиб, микроб организми учун зарур биологик фаол моддаларни ҳосил қилади. Қўлланилган сульфаниламид препарати парааминобензой кислотасининг структурасини бузади ва натижада микроб хужайрасида биологик фаол моддалар ҳосил бўлиши тўхтайди. Микроблар ўлади ёки ўсиш ва ривожланишдан қолади.
Сульфаниламид оғиз орқали ҳар бир кг тана вазни учун ўртача 0,02-0,03г миқдорида суткасига 3-4 мартадан тавсия этилади.
Сульфаниламид препаратлари асосан буйрак орқали ва қисман ўт суюқлиги, тезак, терлаш орқали организмдан чиқарилади. Айримлари (фталозол, сульгин) бутун ҳазм тракти орқали ўтиб тезак билан чиқарилади.
Нафас тизими аъзоларининг асосий вазифаси организм тўқималарини кислород билан таъминлаш ҳамда уларда ҳосил бўлган карбонат ангидритни ташқарига чиқариб юборишдан иборатдир. Ушбу тизим касалликлари қўйлар ички юқумсиз касалликларининг - 27%, чўчқаларнинг - 17%, ва қорамоллар юқумсиз касалликларининг 11 фойизини ташкил этади. Нафас тизими касалликларининг кенг тарқалишига технологик жараёнларнинг бузилиши оқибатида организм табиий резистентлигининг пасайиши ҳамда турли хил микрофлоралар сабаб бўлади.
Нафас тизими касалликлари организмда газлар алмашинуви, юрак - қон томир, ҳазм, айириш ва бошқа тизим ва аъзолар функцияларининг издан чиқишига сабаб бўлади.
Нафас тизими касалликларида умумий белгилардан ташқари, шу тизим касалликларига хос бўлган белгилар: нафас йўллари шиллиқ пардасида яллиғланиш белгиларининг бўлиши, бурундан оқмалар оқиши, аксириш, ютал, томоқ ва кекирдак пайпасланганда унинг сезувчанлигининг ортиши, бронхлар ва ўпка аускультация қилинганда хириллашларнинг эшитилиши, ўпка перкутор товушининг ўзгариши, тана ҳароратининг кўтарилиши кузатилади.
Нафас тизими касалликлари анатомик тамойилга асосан нафас йўлларининг касалликлари (ринит, гайморит, фронтит, ларингит, трахеит, бронхит) ҳамда ўпка ва плевранинг касалликларига (пневмониялар, плевритлар, пневмоторакс, гидроторакс, эмфизема) бўлинади.