Venchur fondlari faoliyatining asosiy turlari

Venchur fond — bu yuqori tavakkalchilikka, ammo kelajakda katta daromadga ega istiqbolli kompaniyalar, gʻoyalar va texnologiyalarga sarmoya kiritish uchun yuridik va jismoniy shaxslar birlashmasi. Aynan Apple, Microsoft va PayPal kabi kompaniyalar bularga misol boʻla oladi.

Venchur fondi (inglizcha venchur — xavfli) ​ — bu yuridik shaxslardan (va baʼzi mamlakatlarda — jismoniy shaxslar) iborat boʻlib, foyda uchun kutilayotgan xavf darajasi yuqori boʻlgan korxonalarga investitsiyalar yoʻnaltirilgan, oʻrtacha bozor koʻrsatkichlaridan bir necha baravar yuqori. Venchur investorlarini biznes farishtalari deb atash ham mumkin.

Oʻzining rivojlanishining dastlabki bosqichida nodavlat (aksiyalari fond birjasida kotirovka qilinmaydigan) korxonalarga sarmoya kiritadigan tashkilotlar xususiy kapital fondlari deb ham ataladi. Kapital qoʻyilmalar bilan bir qatorda, ular korxonalarni yana-da yetuk bosqichlarda moliyalashtirishi, shuningdek oldi-sotdi shartnomalarini ham amalga oshirishi mumkin.

Venchur kapital fondlarining tashkil topishining asosiy sababi joriy moliya bozorining kichik va rivojlanayotgan biznes muammolariga yoʻnaltirish.Venchur kapitalning maqsadi, bir tomondan, bank institutlari va fond bozoridagi arzon kreditlar va boshqa tomondan istiqbolli loyihalarni yetarli darajada taqdim etmaslik oʻrtasidagi ziddiyatni bartaraf etishdir.

venchur fondlari faoliyatining asosiy turlari:

• yuridik va jismoniy shaxslarning ( shu jumladan xorijiy) pul mablagʻlarini keyinchalik innovatsion faoliyatga investitsiya qoʻyishdan foyda koʻrish maqsadida jamlash;

• yangidan tashkil etilgan va mavjud tashkilotlarning ustav fondida ulushli ishtirok etish yoʻli bilan, shuningdek ushbu tashkilotlarga garov bilan taʼminlanmagan qarzlar berish yoʻli bilan innovatsiyalarni ishlab chiqish va joriy etishni moliyalashtirish;

• boʻsh turgan pul mablagʻlarini ichki bozorda yuqori likvidli moliyaviy vositalarga joylashtirish;

• fond aksiyadori (ishtirokchisi) boʻlgan tashkilotlarni boshqarishda ishtirok etish.

Venchur bitimining asosiy ishtirokchilari:

· yuqori rentabelli sarmoyadorlar;

· boshlangʻich kapitalga muhtoj tadbirkorlar;

· birlamchi joylashtirish (IPO) investitsiya banklari;

venchur kapitali fondi manfaatdor tomonlar oʻrtasida vositachi sifatida.