Вазирлиги ўзбекистон республикаси қишлоқ ва сув хўжалиги

ЎЗБЕКИСТОН АГРАР СЕКТОРИДА - ERASMUS MUNDUS - CASIA ДАСТУРИ 
ДАВЛАТЛАРАРО АКАДЕМИК ИЛМ АЛМАШИНУВ 
ҲАМКОРЛИГИНИ РИВОЖЛАНТИРИШГА ХИЗМАТ ҚИЛМОҚДА 
 
Ж.Б. Худайқулов, А.С.Пўлатов 
2
, Ewa Wietsma
3 
ТошДАУ1, ТИМИ
2 
, Вагенинген Университети (Голландия)
3
 
Ўзбекистон Президентининг 2011 йил 20 майдаги “Олий таълим муассасаларининг моддий-техник 
базасини мустаxкамлаш ва юқори малакали мутахассислар тайёрлаш сифатини тубдан яхшилаш чора 
тадбирлари тўғрисида”ги ПҚ-1533-сонли Қарорининг 2 - иловасидаги 18 – бандида “Ёш келажаги бор 
кадрларни чет элдаги олий таълим муассасаларига ва илмий марказкарга стажировкага юборишни 
ташкил этиш” алоxида кўрсатиб ўтилган. Ўзбекистонда ёш иқтидорли тадқиқотчиларга оталарча 
ғамхўрлик кўрсатилаётганлиги, илм-фан тараққиёти мунтазам равишда қўллаб-қувватлаб 
келинаётганлиги ва яратилган имкониятлардан ёшларнинг оқилона фойдаланаётганини, дунёнинг 
кўплаб мамлакатларида кузатилмаган деак муболаға бўлмайди. Маълумки, хорижий 
стажировкаларни ташкил қилишда Халқаро ва хорижий ташкилотлар грантларидан фойдаланиш 
самарали ҳисобланади. ERASMUS MUNDUS - CASIA дастурида совриндорлари дунёнинг 
ривожланган мамлакатларида илм алмашуви, тажриба орттириши ўз навбатида яқин келажакда 
Ўзбекистон қишлоқ хўжалиги ривожига муносиб xисса қўшишига замин яратади. 
CASIA - Марказий Осиё Xалқаро Академик Илм алмашинув дастури бўлиб, олий ўқув юртлари 
талабалари, профессор-ўқитувчилари ва илмий ходимларининг Европа ва дунёнинг бошқа 
мамлакатларида илмий салоxиятини юксалтириши, илмий ва амалий томондан ўзаро фикр алмашиш 
учун хизмат қилади.
Вагенинген Университети профессори Ewa Wietsma - CASIA лойиҳасига бош координаторлик 
ҳамда Тошкент Ирригация ва Мелиорация Институти Эко ГИС маркази бошлиғи А.С. Пўлатов – 
CASIA лойиҳага минтақавий координаторлик қилмоқда. Тарғибот ишларининг самарали олиб 
борилиши натижасида Тошкент давлат аграр университетининг профессор - ўқитучилари, докторант, 
магистр ва бакалаввр босқичида таълим олишаётган иқтидорли ёшлар ҳам ушбу xалқаро лойиҳада 
муваффаққиятли иштирок этишиб, нафақат Ўзбекистон шунингдек, Европанинг бир қатор 
ривожланган давлатлари олимлари билан хамкорлик алоқаларини ривожлантирб келмоқдалар. 
Жумладан, Тошкент давлат аграр университетининг “Ўсимликшунослик” кафедраси доценти 
Худайқулов Жонибек Бозорович, қишлоқ хўжалиги фанлари номзоди Хаитов Ботир Бахтиёровичлар - 
2013-2014 ўқув йилига мўлжалланган ERASMUS MUNDUS - CASIA лойиҳасининг профессор-
ўқитувчиларни Европа Иттифоқининг етакчи университетларида малака ошириш учун мўлжалланган 
CASIA дастури гранти совриндори бўлди. Шу муносабат билан улар Австрия давлатининг пойтахти 
Вена шаxрида жойлашган Табиий ресурслар ва амалий фанлар университетида малакасини ошириб 
имкониятига эга бўлишди.