Вазирлиги ўзбекистон республикаси қишлоқ ва сув хўжалиги

Дарснинг шиори: «Халқ бўл элим!» 
Ўқитувчи тилаги: 
Гуллар интилгани каби қуёшга, 
Инсон доим излар зиё-ю, илм. 
Сангтарош нақш уйса ҳарсангга тошга, 
Тафаккуру қалбни танлар муаллим. 
Дарс типи: аралаш. 
Дарс тури: ноанъанавий дарс. 
Дарснинг услуби: оғзаки, кўргазмали. 
Дарснинг усули: мусобақали (баxри-байт, мунозара, мушоxада). 
Дарснинг жиxози: М.Юсуф портрети, шеърий тўпламларидан намуналар, ўқувчиларнинг ижодий 
ишлари, альбом ва буклетлар. 
Дарснинг блок схемаси: 
№ 
Дарснинг босқичлари ва дарс тақсимоти 
Минут 
1 
Ташкилий давр 2 
2 
Уйга вазифани аниқлаш
(гуруxлар ўртасида мусобақа ташкил этиш) 
25 
3 
Ўқувчилар эгаллаган БКМни аниқлаш юзасидан тест синови 5 
4 
Дарсни хулосалаш 10 
5 
Уйга вазифа 3 
Дарс М. Юсуфнинг «Xеч кимга бермаймиз сени Ўзбекистон!» шеъри Юлдуз Усмонова 
ижросидаги қўшиқ билан бошланади. Қўшиқ тинглангач, ўқувчиларни шоир шеърияти билан 
таништиришни ўқитувчи қуйидаги кириш сўзи билан бошлайди:
Ўзи ўлса ўлар, сўзи ўлмайди, 
Ҳамиша барҳаёт насл шоирлар. 
Xақиқий шоирнинг қабри бўлмайди, 
Юракка кўмилар асл шоирлар. 
М. Юсуфнинг ушбу башоратомуз сўзлари худди ўзи ва ўзига ўхшаган яъни қалбимизга кўмилган 
манзил-макон топган шоирларга аталган эди. Xақиқатдан ҳам xақиқий шоирнинг қабри бўлмайди, 
улар юракларимизга кўмиладилар. Юқоридаги шеърда айтилганидек, юрагимиздан манзил-макон 
топган шоирларимиздан бири Муҳаммад Юсуфнинг ўзидир. 
Ўзбек адабиёти шундай чаманзорки, унинг бўстонида гул кўп, чечак кўп.. Бу бўстонда бир-бирига 
ўхшамайдиган, бир-бирини такрорламайдиган дилбар шоирлар авлоди қайта-қайта бўй чузаверади. 
Ана шундай бетакрор шоирлардан бири, шубxасиз, Ўзбекистон Халқ шоири, халқимизнинг 
булбулзабон фарзанди Муҳаммад Юсуфнинг ҳаёти ва ижодини ўргандек. Бугунги дарсимизда олган 
билимларингиз юзасидан баxс-мунозара юритамиз. 
Синф ўқувчилари олдиндан гуруxларга бўлиниб, уларга ижодий топшириқлар берилган бўлади. 
1-гуруx «Зукколар». 
2-гуруx «Билимдонлар». 
Беллашув шартлари: 
69

---

1-шарт: «Матбуот» Журналистлари саволларига жавоблар. 
«Халқ сўзи» рўзномасининг муxбири саволи: 
М. Юсуфнинг ҳаёти xакида маълумот берсангиз. 
«Ёш куч» ойномасининг муxбири саволи: 
М. Юсуфнинг ижод йўли xақида маълумот берсангиз. 
2-шарт. «Шеърият бўстони». 
М. Юсуф шеърларидан ифодали ёд айтиш ва таҳлил қилиш. 
3-шарт. Кластер. 
(Топшириқ бажарилганига қараб, М. Юсуфнинг шоир Шавкат Раxмонга бағишлаб ёзган 
«Лолақизғалдоқ» шеъри магнетафондан эшиттирилади). 
4-шарт. «Xозир жавоблик» машқи. 
Гуруxлардан биттадан ўқувчи чиқади ва бештадан саволга жавоб беради. 
Саволлар: 
1. М. Юсуфнинг қандай достонлари бор? 
«Қора қуёш», «Осмоннинг охири», «Кўxна қудуқ». 
2. 47 йил умр кўрган ижодкорлардан қайсиларини биласиз? 
М. Юсуф, Шавкат Раxмон, Бобур …. 
3. М. Юсуфнинг «Меxр қолур, муxаббат қолур» шеърининг тузилиши қандай? 
Мурабба, 4 мисралик, 5 банд, 20 мисрадан иборат. 
4. М. Юсуфнинг «Ватаним» шеърида «Тарқаб кетган… Уруғимисан, Ватаним» мисраларидаги 
нуқталар ўрнига қандай сўз қўйилади? 
96 уруғ. 
5. М. Юсуфнинг шеърларини кимлар қўшиқ қилиб куйлаган? 
Севара Назархон, Юлдуз Усмонова, Муxриддин Холиқов, Охунжон Мадалиев.
6.«Меxр қолур, муxаббат қолур» шеърида қайси ошиқлар номи эсланади? 
Тоxир ва Зуxра. 
7. «Некбин туйғулар» қайсилар? 
Тоза, пок, самимий туйғулар. 
8. Ғийбатларга чида, туxматга чида, сен биттасан, ахир ёруғ оламда, - деган сатрлар қайси 
шеъридан. 
«Биз бахтли бўламиз» шеърида бор. 
9. М. Юсуф «Ватаним» шеърида: Ким қашқарни қилди макон, Ким Энасой томонда, - деганда 
кимларни назарга тутган? 
Қашқарда – Фурқат, Энасой (Сибир)да Усмон Носир ёдга олинган. 
10. Уйғонсам – кўркам кул, йиғлар севгилим … 
Айиқ босган гулдай эзилди кўнглим… . 
Мисралари қайси шеъридан? 
«Сурат». 
5-шарт. «Ҳамкорлик квадрати» шоирга бағишланган шеърларидан 4 мисра бўлаклаб конвертга 
солинади. Ўқувчилар мисраларни тиклашади. 
(Xалима Xудойбердиева шеъри) 
Бир арслони ўтди ўзбекнинг 
Оxи кўкка етди ўзбекнинг. 
Қуёш йиғла, осмон аза тут, 
Муҳаммади кетди ўзбекнинг. 
Баланд кетди, шонига кетди, 
Жаннатнинг айвонига кетди. 
Турк юкини елкалашай деб, 
Яссавийнинг ёнига кетди. 
6-шарт. «Хотирлаш». Гуруxлар шоирга атаб ёзилган марсия ёки ёдномалардан айтишади. 
7-шарт. «Сардорлар баxси». Тест. 
Муҳаммад Юсуф сўзи ва тасвири компьютердан кўрсатилади. Якуний хулоса: гуруxлар баллари 
жамланади ва эълон қилинади. Уйга вазифа: «Мен севган шоир» мавзусида иншо ёзиш.
Юқоридаги дарс натижалари шуни кўрсатадики, таълим-тарбия жараёнларида янги педагогик 
технологиялардан фойдаланиш дарс самарадорлигини янада оширади ва кутилган натижага 
эришилади.