Vazirligi muhammad al-xorazmiy nomidagi toshkent axborot texnologiyalari universiteti norkobilov akram mallayevich

Ishning dolzarbligi shundan iboratki, aholining “Elektron hukumat” doirasida interaktiv xizmatlardan foydalanish bo’yicha ko’nikma va malakasini shakllantirish hamda Elektron hukumat tizimi davlat interaktiv xizmatlarida axborot almashinuv algoritmlarini tadqiq etib, mukammal o’rganish doirasida interaktiv xizmatlar ko’lamini kengaytirish uchun yangi algoritm va strukturalarni ishlab chiqish. Shu bilan bir qatorda aholining huquqiy ongini oshirish, davlat xizmatlaridan foydalanish tartibini o’rgatish, davlatga nisbatan ishonchni ortirish, eng asosiysi fuqarolar vaqtini va mablag’ini tejash hisoblanadi.
Tadqiqotning obyekti va predmeti. Internet saytlari, hukumatimiz tomonidan chiqarilgan qonunlar va Prezident qarorlari hamda farmonlarining mohiyati, shuningdek ularning davlat boshqaruvidagi rolini oshirish masalalari tadqiqot predmeti bo‘lib xizmat qiladi.
Tadqiqot obyekti sifatida O'zbekiston Respublikasi Yagona interaktiv davlat xizmatlari portali olingan.
Tadqiqot maqsadi va vazifalari.
– Mamlakat aholisiga, ichki va tashqi tijorat sohasiga hukumat tomonidan ko‘rsatilayotgan interaktiv xizmatlarni optimallashtirishning yangi zamonaviy texnika va texnologiyalarga asoslangan usullarni o‘rganish;
– davlat boshqaruv tizimida interaktiv xizmat ko‘rsatuvchi va ta’lim tizimida “Elektron hukumat” fani bo‘yicha pedagogik faoliyat olib boruvchi yuqori saviyadagi malakali kadrlarni tayyorlashga yordamlashish;
Shuningdek “Elektron hukumat” portali doirasidagi faoliyat samaradorligini oshirish masalalari bo‘yicha ilmiy taklif va tavsiyalarini ishlab chiqish tadqiqotning maqsadi hisoblanadi.


Tadqiqot ishi quyidagi vazifalarni qamrab olgan:
Matematik va dasturiy ta’minot, ya’ni axborot tizimining maqsadini va vazifalarini bajaruvchi matematik usul, model, algoritm va dasturlar to’plamini ishlab chiqish;
Texnik hujjatlarga dasturlarni yaratish uchun tuzilgan hujjatlar, topshiriqni qo’yish, algoritm tuzish topshiriqlari, vazifaning iqtisodiy - matematik modeli, nazorat misollari kiradi.
- o’z zimmasiga yuklatilgan vazifalar doirasida davlat organlarining ma’lumotlar bazalarini, Yagona interaktiv davlat xizmatlari portalini va Elektron davlat xizmatlarining yagona reestrini shakllantirish;
- davlat organlari tomonidan tadbirkorlik sub’ektlari va aholiga ko’rsatiladigan interaktiv davlat xizmatlari ro’yxatini kengaytirish va sifatini yaxshilash, tegishli axborot resurslaridan keng ko’lamda, shu jumladan, qishloq joylarda foydalanishni ta’minlash;
- Interaktiv xizmatlar uchun elektron tijoratni amalga oshirish tizimini tahlil qilish, interaktiv xizmatlarning tashkiliy tuzilishini o‘rganish, shuningdek, mijoz va xizmat ko‘rsatuvchi tashkilotlar orasidagi munosabatni o‘zida mujassamlashtiradigan veb-texnologiyalarni yaratish;
- aholi va firmalarning siyosatchilar va amaldorlar bilan interaktiv o'zaro hamkorligini davlat siyosatini ishlab chiqishning barcha sikllari davomida hukumatning barcha sathlarida ta'minlash yo'li bilan jamiyatni davlat boshqaruvida qatnashishini ta'minlash; u normativ va qonuniy aktlar loyihalari muhokama qilinadigan va turli takliflar akkumulyasiya qilinadigan web-forumlar yordamida amalga oshiriladi.