|
3.2. Aholining ishsiz qatlamini aniqlash va ish bilan ta’minlashga qaratilgan jarayonlar algoritmi va protseduralari
Biznes jarayonlari maqbullashtirilishi metodikasi
Davlat xizmatlarini yagona portal orqali interaktiv shaklga o’tkazish barobarida xizmat ko’rsatish jarayonlarini maqbullashtirish ustuvor va birlamchi vazifa hisoblanadi.
Davlat va xo’jalik xizmatlarini ko’rsatishda inson omili aralashuvini, byurokratik to’siqlarni keskin kamaytirish, me’yoriy xujjatlardagi nomutanossibliklarni bartaraf etish tushuniladi.
Xizmat ko’rsatish muddatlarini qisqartirish, narxlarini arzonlashtirish va tartibotlarini soddalashtirish chora tadbirlarini ishlab chiqish va joriy etish sanaladi.
Elektron hukumatni tadbiq qilishda xavf omillari:
Ko’pgina mamlakatlarda elektron hukumatni joriy etishda kutilgan natijalarga erishilmagan. Elektron hukumatni joriy etishdagi havflar fuqarolar va hukumat tomonidagi havflarga bo’linishi mumkin.
Umuman olganda fuqarolar tomonidagi havlarga quyidagilar kiradi:
Raqamli tengsizlik
Bilimlar etishmasligi
Foydalanishda qulay emasligi
Rag’batlantirishlarning etishmasligi
Ishonchning etishmasligi
Tushunmovchilik
Hukumat tomonidagi havflarga quyidagilar kiradi:
Murakkablik
Vazirlik tizimlarining to’liq integratsiya bo’lmaganligi
Qobiliyat etishmovchiligi
Inson resurslarining cheklanganligi
Moliyaviy resurslarning cheklanganligi
O’rganishlar shuni ko’rsatadiki, butun dunyo bo’yicha 35 foiz elektron hukumat loyihalari muvaffaqiyatsizlikka uchragan, 50 foizi qisman va faqatgina 15 foizi esa to’liq muvaffaqiyatga erishgan. Rivojlanayotgan davlatlarda elektron hukumatni joriy etishda muvaffaqiyatsizlikka olib boruvchi omillar quyidagilar hisoblanadi:
Davlat organlari bilan hamkorlikning etishmasligi
Sharoitga mos bo’lmagan rejalar va strategiyalar
Malakali mutaxassislarning etishmasligi
Investitsiya rejasining yo’qligi
Yangi texnologiyalar etishmasligi
Tayyorgarliksiz tezkorlik bilan amalga oshirish.
Elektron hukumatni to’liq ishga tushirish juda murakkab jarayon, chunki yangi axborot tizimlarining tadbiq qilinishi aholi uchun yangilik hisoblanadi.
Hukumat o’zining imkoniyat va tayyorgarliklaridan kelib chiqib elektron hukumatni amalga oshirish rejasini tuzib chiqadi. Osiyo davlatlari siyosiy, iqtisodiy, ijtimoiy va boshqaruv apparatlari turli xil bo’lishiga qarab xarakterlanadi va har bir mamlakatning o’z vaziyatidan kelib chiqib turli xil yondashuvlar qabul qilinishi talab etiladi.
Elektron hukumat loyihalarini boshqarish markazi
«Elektron hukumat» tizimi doirasida axborot - kommunikatsiya texnologiyalari sohasida loyihalarni ishlab chiqish va amalga oshirishning samarali va shaffof mexanizmlarini yaratuvchi, shuningdek, ushbu sohadagi loyihalar, loyiha va texnik hujjatlarni sifatli ekspertizadan oʼtkazishni taʼminlovchi tashkilotdir.
Markaz Oʼzbekiston Respublikasi Prezidentining 2020-yil 28-apreldagi PP-4699-sonli 'Raqamli iqtisodiyot va elektron hukumatni keng joriy etish chora-tadbirlari toʼgʼrisida'gi va Vazirlar mahkamasining 2020-yil 25 iyundagi 409-sonli 'Oʼzbekiston respublikasi axborot texnologiyalari va kommunikatsiyalarini rivojlantirish vazirligi tizimidagi ayrim tashkilotlarning faoliyatini tashkil etish chora-tadbirlari toʼgʼrisida'gi Farmonlari asosida Oʼzbekiston Respublikasi axborot texnologiyalari va kommunikatsiyalarini rivojlantirish vazirligi huzurida tashkil etildi.
Markaz faoliyati yoʼnalishlari:
Markaz “Elektron hukumat” tizimini va “Raqamli Oʼzbekiston – 2030" dasturini (keyingi oʼrinlarda - dastur) rivojlantirish doirasida raqamli iqtisodiyot va 'Elektron hukumat' tizimini takomillashtirish sohasidagi islohotlarning asosiy yoʼnalishlarini amalga oshiradi, xususan:
elektron hukumatni rivojlantirishda yagona texnologik yondashuvni taʼminlash
davlat organlari va tashkilotlarida raqamli rivojlanishning ustuvor yoʼnalishlarini ishlab chiqish
davlat organlari va tashkilotlarida ijro intizomining yagona idoralararo elektron tizimini joriy etish
elektron hukumat sohasidagi loyihalar va dasturlarni amalga oshirish bosqichlarini muvofiqlashtirish
2021 yilda davlat xizmatlarini ustuvor ravishda elektron shaklga o‘tkazish.
O‘zbekiston Respublikasi Prezidentining 2020 yil 5 oktabrdagi PF-6079-son va 2020 yil 14 dekabrdagi PQ-4921 qaroriga muvofiq “2021 yilda davlat xizmatlarini ustuvor ravishda elektron shaklga o‘tkazish bo‘yicha Chora-tadbirlar dasturi” O‘zbekiston Respublikasi Bosh vaziri tomonidan 2021 yil 29 martda 08-08/1-2190-son bilan tasdiqlandi.
O‘zbekistonda yashovchi 35 million aholining 64 foizidan ko‘prog‘i Internet foydalanuvchilari hisoblanadi.
2020 yil 5 oktabrda O‘zbekiston Respublikasi Prezidenti tomonidan “Raqamli O‘zbekiston 2030” strategiyasi va uni samarali amalga oshirish chora-tadbirlari tasdiqlandi. Raqamli texnologiyalar iqtisodiyotning barcha tarmoqlari va davlat muassasalarida faol joriy etilmoqda. 100 dan ortiq axborot tizimlari elektron hukumat tizimiga ulangan. EHM tomonidan ishlab chiqilgan, Billing tizimi, idoralararo axborot platformasi, One ID va boshqa tizimlar. O‘zbekistondagi barcha sohalarini raqamlashtirishda muhim ahamiyatga ega.
Do'stlaringiz bilan baham: |
