Vatan tuygusi 5 2015. p65

Rivoyat
BIR PARCHA YER
Qadimda bir yurtga yov bostirib kirmoqchi bo‘libdi. Lekin
mamlakat podshosi donishmand va tinchliksevar ekan. U qon
to‘kilishiga yo‘l qo‘ymaslik uchun yov lashkarboshisiga uchqur
arg‘umog‘i, ya’ni zotdor otini sovg‘a qilibdi. Ammo dushman
urush boshlaymiz, deb dag‘dag‘a qilishdan to‘xtamabdi. Podsho
yana bosiqlik bilan dushman lashkarboshisiga tilla qilichini berib
yuboribdi. Biroq makkor yov bunga ham qanoat qilmabdi.
U: «Mamlakatingdagi hech narsa o‘smaydigan tashlandiq yerdan
bir parchasini berasan, bo‘lmasa yurtingni qonga belaymiz»,–
deb shart qo‘yibdi. Shunda podsho qat’iyatga to‘lib, lashkariga
buyuribdi: «Ey yurtimning mard o‘g‘lonlari, qani, kurashga
otlaning! Makkor yov muqaddas tuprog‘imizga ko‘z olay-
tirmoqda. Ota-bobolarimizdan meros Vatanning bir qarich
yerini ham dushmanga berib qo‘ymaymiz»,– deb lashkarini
jangga boshlagan ekan.
Qani, ayting-chi, tilla qilich qadrlimi yoki bir parcha
yermi?
Jahon xalqlarining ertaklari, qo‘shiq va dostonlarida ham mardlik
va fidoyilik asosiy mavzulardan biri. Masalan, hindlarning «Mahob-
xorat» va «Ramayana» dostonlari, yunonlarning Prometey, Antey,
Gerakl va Odissey singari afsonaviy qahramonlari, biz yashayotgan
Markaziy Osiyo mintaqasi xalqlarining Rustami doston, Suhrob,
Siyovush, Farhod kabi alp pahlavonlari timsolida ana shunday fazi-
latlar ulug‘lanadi.
Xalqimizning «Uch-og‘ayni botirlar», «Semurg‘ va Bunyod»,
«Tohir va Zuhra» kabi ertaklari, «Alpomish», «Go‘ro‘g‘li» singari
dostonlarida mardlik va ezgulik kuylanadi. Shu ruhda tarbiya topgan
ota-bobolarimiz Vatanga muhabbat bilan yashashni eng muqaddas
burch deb bilganlar.

---

48