Vatan tuygusi 5 2015. p65

«5 yashar – e’tibor
bering, 5 yashar – jajji o‘g‘lonimiz Islombek Sindorovning
Osiyo chempioni degan sharafli nomga sazovor bo‘lganini
olasizmi, qani ayting, aziz do‘stlar, bunday yutuqlar bilan
faxrlanmasdan, g‘ururlanmasdan bo‘ladimi?»
Bolalikdan boshlab katta-katta ishlar, yuksak marralarga
intilib yashash xalqimizning tomirida azaldan mavjud.
Abu Ali ibn Sino, Abu Rayhon Beruniy kabi buyuk allomalarimiz
bolalik yillaridan boshlab tengsiz ilmiy iste’dodini namoyon etganlar.
Buyuk mutafakkir shoirimiz Alisher Navoiy 3–4 yasharligidan boshlab
turkiy va forsiy she’rlarni yoddan o‘qigani, keyincha o‘zi ham g‘azallar
yozgani tarixiy manbalardan ma’lum. Yana bir ajdodimiz Zahiriddin
Muhammad Bobur esa 12 yasharligida Andijon taxtiga o‘tirib,
otasidan meros davlatni boshqarishga kirishgan.
Biz nomlari zikr etilgan yosh chempionlarimiz timsolida buyuk
ajdodlarimizning munosib davomchilarini ko‘ramiz. Xalqimiz ta’biri
bilan aytganda, oqqan daryo oqadi, hech qachon to‘xtab qolmaydi.
!

---

44
Shu bilan birga, bunday yutuqlar O‘zbekistonda sportning barcha
turlari qatori shaxmat rivojiga berilayotgan katta e’tibor natijasidir.
Mutaxassislarning fikriga ko‘ra, mamlakatimizda shaxmat bilan
shug‘ullanayotgan yigit-qizlar soni yildan yilga ortib bormoqda. Hozirgi
kunda yurtimizda 8 mingdan ziyod shaxmat to‘garagi faoliyat yuritib,
ularda 150 mingdan ortiq yosh shaxmatchi, jumladan, 76 mingdan
ko‘proq qiz bola mashg‘ulotlarda muntazam ishtirok etmoqda.