Vatan tuygusi 5 2015. p65

Yurtimiz og‘ir ahvolga tushib qolgani, bundan qutulish
uchun respublikamiz rahbari katta jasorat bilan kurash olib
borgani haqida Prezidentimiz Islom Karimovning «O‘zbekiston
mustaqillikka erishish ostonasida» kitobida atroflicha hikoya
qilinadi.
Istiqlolning birinchi yillaridan boshlab mamlakatimizda «Islohot
islohot uchun emas, avvalo inson uchun» degan qoida bosh mezon
qilib olindi. Buning ma’nosi shuki, islohotlar inson hayotini yaxshi-
lashga xizmat qilishi kerak.
Inson, uning hayoti, huquq va erkinliklari eng oliy qadriyat
ekani Konstitutsiyamizda muhrlab qo‘yilgan.
Shahidlar xotirasi xiyoboni

---

35
Mustamlakachilik yillarida nohaq jabr ko‘rgan insonlarga nisbatan
tarixiy adolatni, buyuk ajdodlarimizning muborak nomlari va xotirasi,
bebaho merosini tiklashga alohida e’tibor berilmoqda. Masalan, 2000-
yilda poytaxtimizning Yunusobod tumanida «Shahidlar xotirasi
xiyoboni» yodgorlik majmuasi barpo etildi. Keyinchalik shu nomda
jamg‘arma va Qatag‘on qurbonlari xotirasi muzeyi tashkil qilindi.
«Qatag‘on» so‘zi kesmoq, qatl etmoq, o‘ldirmoq degan ma’-
nolarni bildiradi.
Bir paytlar bu yerda, ya’ni Bo‘zsuv kanali sohilida Alvastiko‘prik
deb qo‘rqinchli nom olgan jarlik bo‘lgan. XX asrning 30-yillarida
ana shu ovloq joyga kechalari xalqimizning ko‘plab asl farzandlari
mashinada yashirincha olib kelingan va shafqatsizlarcha otib tash-
langan. So‘ngra kafansiz, nom-nishonsiz ko‘mib yuborilgan.