Vatan tuygusi 5 2015. p65

«Xalqimizning turmush va tafakkur tarziga nazar tashlay-
digan bo‘lsak, boshqalarga hech o‘xshamaydigan, ming yillar
davomida shakllangan, nafaqat o‘zaro muomala, balki hayoti-
mizning uzviy bir qismi sifatida namoyon bo‘ladigan bir qator
o‘ziga xos xususiyatlarni ko‘ramiz. Misol uchun, tilimizdagi
mehr-oqibat, mehr-muhabbat, mehr-shafqat, qadr-qimmat
degan, bir-birini chuqur ma’no-mazmun bilan boyitadigan va
to‘ldiradigan iboralarni olaylik. Qanchalik g‘alati tuyulmasin,
bu iboralarni boshqa tillarga aynan tarjima qilishning o‘zi
mushkul bir muammo»
1
.
1 
Islom Karimov
. Yuksak ma’naviyat – yengilmas kuch. T.: «Ma’naviyat»
nashriyoti, 2013-yil, 8-bet.

---

20
Vatanning o‘ziga xos xususiyatlari, hatto, insonning yuz tuzilishi,
chehrasida ham aks etadi. Masalan, o‘zbekni yapondan, arabni turk-
dan, lotin amerikalikni yevropalikdan yuzi va ko‘ziga qarab farqlash
mumkin.
Taqdir taqozosi bilan inson o‘z yurtidan yiroqlarda yashab qola-
digan bo‘lsa, uning vujudida Vatanidan meros bo‘lib kelgan tuyg‘u
va fazilatlar qayta uyg‘onadi va uni ona diyori bag‘riga da’vat etadi.
Bunday holni ba’zida «Ota-bobolarimizning ruhi chorlamoqda» deb
ham izohlaydilar. Sizning «Adabiyot» darsligingizda gurji yozuvchisi
Nodar Dumbadzening «Hellados» – «Vatan» nomli hikoyasi bor.
Unda insonga xos ana shu holat juda ta’sirli qilib tasvirlangan.
«Hellados» Gretsiya davlatining qadimiy nomi. Uni qadimiy Ellada
ham deydilar. E’tiborli jihati shundaki, bu hikoya Gretsiya haqida
emas, balki yurakdagi Hellados – ko‘ngildagi Vatan haqidadir.
Bizning buyuk ajdodlarimiz doimo Vatanga muhabbat tuyg‘usi
bilan yashaganlar.