Vatan tuygusi 5 2015. p65

Insonning qaysi urug‘, joy yoki elatga mansubligi uning
boshqalardan ustun yoki alohida imtiyozga ega bo‘lishini
bildirmaydi. Biz yagona O‘zbekiston, yagona o‘zbek xalqiga
mansub ekanimizni chuqur anglab, bu bilan doimo faxrlanib
yashashimiz kerak.
«Dunyoda yagona o‘zbek millati bor, xorazmlik, farg‘onalik,
surxondaryolik o‘rtasida hech qanday milliy farq yo‘q, ularning
barchasi o‘zbek xalqining farzandi deb anglashimiz, yosh
avlodimizni aynan shu ruhda tarbiyalashimiz zarur»
1
.
1 
Islom Karimov.
Yuksak ma’naviyat – yengilmas kuch. T.: «Ma’naviyat»
nashriyoti, 2013-yil, 91-bet.

---

74
Qadim ajdodlarimiz azal-azaldan Amudaryo va Sirdaryo bo‘ylarini
makon tutib, bu hududdagi voha va vodiylarda alohida sivilizatsiya,
ya’ni madaniy taraqqiyotga asos solganlar. Ko‘hna g‘orlar va qoya-
toshlarga bitilgan rasmlar, xatlar, mumtoz kuy-qo‘shiqlarimizni o‘z
ichiga olgan «Shashmaqom» kabi madaniyat yodgorliklari, Varaxsha,
Afrosiyob, Kesh, Naxshab, Qubo, Axsikent, Mingo‘rik, Shohruhiya
kabi afsonaviy shaharlar o‘rnidan topilayotgan noyob osori atiqalar
ana shu sivilizatsiya mahsulidir.
«Sivilizatsiya» lotincha so‘z bo‘lib, madaniy taraqqiyot
degan ma’noni bildiradi.