Vatan tuygusi 5 2015. p65

Rivoyat
TOMGA CHIQMAGAN BOLA
Qadimda bir bolaga onasi: «Bolam, tomga chiqib, o‘tin olib
tushsang»,– debdi. Bu paytda bolaning otasi uyda uxlayotgan
ekan. Shuning uchun bola: «Otam yotgan uyning tepasiga qanday
chiqaman»,– deb, otasining uyqudan uyg‘onishini kutgan ekan.
Bola otasi sezmaydigan darajada sekinlik bilan tomga
chiqsa bo‘lmasmidi?
Oilada «ota kasbi» degan tushun-
cha bor. Farzand ota kasbini egal-
lasa, odamlar «Otasining qo‘lini
olibdi», «Otasining davomchisi bo‘-
libdi», deb undan xursand bo‘ladi.
Ota kasbini davom ettirish asosida
mashhur sulolalar paydo bo‘lgan.
Masalan, mamlakatimizda san’at
sohasida Yunus Rajabiy asos solgan
rajabiylar sulolasi, sirk sohasida tosh-
kentboyevlar sulolasi va boshqa sulo-
lalar bor.
Bunday sulolalar tarixda ham ko‘p bo‘lgan. Masalan, yurtimizda
temuriylar sulolasi, boburiylar sulolasi, Hindistonda gandilar sulolasi
nomi ma’lum-u mashhur. Bunday sulolalar oilaviy an’analarini
ulug‘lash orqali Vatanni ulug‘lashga xizmat qiladi.
Tarbiya insonning sog‘lom va barkamol bo‘lib o‘sishi,
hayotga tayyor bo‘lishi uchun kerakli bilim va ko‘nikma-
larni tushuntirish, o‘rgatish va ibrat asosida singdirib borish
yo‘lidir.
Oilada katta hayot tajribasiga ega bo‘lgan bobolar va momolarning
o‘giti, pand-nasihatlari ham muhim tarbiyaviy ahamiyatga ega.

---

41
Xalqimiz: «Qush uyasida ko‘rganini
qiladi»,– deydi. «Uya» deganda bog‘cha
yoki maktab emas, oila nazarda tutila-
yotgani uning inson tarbiyasidagi ta’siri
naqadar katta ekanini anglatadi.