Vatan tuygusi 5 2015. p65

Vatan tuyg‘usi oiladan, ona bag‘ridan boshlanadi.
Insonni voyaga yetkazadigan, unga eng go‘zal tuyg‘ularni sing-
diradigan, uning ong-u shuurida dastlabki bilim va ko‘nikmalarni
shakllantiradigan makon oiladir.
«Oila jamiyatning asosiy bo‘g‘inidir hamda jamiyat va
davlat muhofazasida bo‘lish huquqiga ega»
1
.
Prezidentimiz Islom Karimov oilaga bunday ta’rif bergan:
«Bu yorug‘ dunyoda hayot bor ekan, oila bor. Oila bor ekan,
farzand deb atalmish bebaho ne’mat bor. Farzand bor ekan,
odamzot hamisha ezgu orzu va intilishlar bilan yashaydi»
2
.
Qadimiy rivoyatlarga ko‘ra, yer yuzidagi birinchi oila Odam Ato
va Momo Havo tomonidan barpo etilgan. Dunyodagi odamlar,
xalqlar va millatlar ana shu oiladan tarqalgan ekan. Shuning uchun
!
1 
O‘zbekiston Respublikasining Konstitutsiyasi, 63-modda. T.: «O‘zbe-
kiston», 2014-yil, 21-bet.
2 
Islom Karimov
. Yuksak ma’naviyat – yengilmas kuch. T.: «Ma’naviyat»
nashriyoti, 2013-yil, 56-bet.

---

38
insoniyatni bir ota-ona farzandlari deymiz, ularni do‘st va birodar
bo‘lib yashashga chaqiramiz.
Go‘dak ko‘z ochib dunyoga kelganidan so‘ng avvalo onasini
taniydi hamda uning bag‘ridan panoh va rizq topadi. Onaning
ko‘ksida tinch va osoyishta uxlaydi, orom oladi. Inson oilada o‘zini
erkin va ozod sezadi. «O‘z uyim – o‘lan to‘shagim» degan maqolimiz
aynan shuni nazarda tutib aytilgan.