Vatan tuygusi 5 2015. p65

Inson zotini Ollohning o‘zi aziz va mukarram qilib yarat-
gan. Har bir inson – buyuk bir mo‘jiza. Dunyodagi barcha
xalq va millatlar ham Yaratganning buyuk mo‘jizasi sifatida
hurmat-ehtiromga munosibdir.
Afsuski, tarixning hamma davrlarida ham inson munosib qadr-
qimmat topmagan. Ayniqsa, mamlakat bosqinchilar zulmi ostiga yoki
jaholat domiga tushib qolgan paytda, avvalgi darsimizda aytilganidek,
Vatan tuyg‘usi qayg‘uga aylanadi, insonlar e’zozlanish o‘rniga tazyiq
va ta’qiblarga, ba’zan hatto ommaviy qirg‘inlarga duchor etiladi.
?

---

33
Ona diyorimiz ham necha bor yovuz bosqinchilar hujumini
boshidan kechirgan. Masalan, miloddan oldingi asrlarda Eron shohlari
Kir va Doro, yunon qo‘shini, XII asrda esa mo‘g‘ul bosqinchilari
yurtimiz tuprog‘iga bostirib kelgan. El-yurtimiz ularga qarshi mardona
kurashib, har safar ozodlikka erishgan.
Jahondagi qudratli davlatlarning armiyasi turli o‘lkalarni zabt etishi,
o‘ziga qaram qilishi mumkin, ammo ular hech qachon xalqlarning
qalbini, ruhini zabt eta olmaydi. Shuning uchun dunyodagi qaysi
davlat haqida gap ketsa, avvalo bu yurtning olimlari, shoir va muta-
fakkirlarini esga olamiz. Chunki ular insoniyatga beminnat xizmat
qilganlar.
XIX asrning 60-yillari o‘rtalaridan boshlanib, XX asrning 91-
yiligacha, qariyb 130 yil davom etgan chor Rossiyasi va sho‘rolar
mustamlakachiligi xalqimiz boshiga ko‘plab og‘ir sinov va musibatlar
keltirdi.