Vatan tuygusi 5 2015. p65

Rivoyat
CHUMOLINING VATANI
Alisher Navoiy bir anjumandan turiboq uyi tomonga shoshilib
ketibdi. Keyin do‘stlari ul zotdan buning sababini so‘rabdilar.
Alisher Navoiy javob beribdi: «Yo‘l-yo‘lakay bir chumoli
kiyimimga ilashib, men bilan birga kelib qolgan ekan. Bechora
vatanidan ayrilib qolibdi-ku, deb o‘z makoniga olib borib
qo‘ymoqchi bo‘ldim. Shoshilganimning boisi shu edi».
Birinchi darsimizdagi hayvonlarda ham vatan hissi bor,
degan so‘zlar yodingizdami? O‘sha so‘zlarni bu rivoyat bilan
solishtirib ko‘rib, fikringizni ayting.
Dunyoda shunday yovuz kuchlar borki, ular butun-butun xalqlarni
ham o‘z vatanidan judo qiladi. Masalan, mustaqillikdan oldin hukm
surgan sho‘ro hokimiyati qrim tatarlarni o‘z yurtidan quvg‘in qilib,
boshqa o‘lkalarga, jumladan, bizning diyorimizga ham ko‘chirtirib
yuborgan. Buning oqibatida ular qariyb yarim asr vatanidan judo
bo‘lib yashadi. Faqat sho‘ro imperiyasi yemirilganidan keyingina ular
o‘z yurti – Qrim yarimoroliga qaytib bordilar. Xalqimiz ajdodlarimiz-
ning an’analariga sodiq qolib, ularga eng og‘ir kunlarda hamdard
bo‘ldi, o‘z bag‘ridan joy berdi.