Ватан тақдирини ёшлар тарбияси ҳал қилади

Жамиятимизда мактаб ўқитувчилари ва илмий-ижодий зиёлиларни бугун биз интилаётган Учинчи Ренессанснинг тўрт таянч устуни деб эътироф этмоқда.
Бугунги кунда Самарқанд вилоят халқ таълими тизимида 1286 та умумтаълим мактаби, 8 та махсус мактаб-интернат, 1 та Меҳрибонлик уйи, 17 та “Баркамол авлод” маркази фаолият юритмоқда. Бу масканларда 54 минг 500 нафардан ортиқ ўқитувчи ва мураббийлар ёш авлодга таълим-тарбия бериб келмоқда.
Тойлоқ туман 26-сонли ихтисослаштирилган давлат умумтаълим мактаби тарихига нарзар ташласак, мактаб 1994 йилда қурилган ва
2018 йилда капиталь таъмирланган бўлиб мактабнинг қуввати 420 нафар ўқувчига мўлжалланган. Хозирги кунда мактабда 453 нафар ўқувчи таълим олмоқда.
Мактабда хозирги кунда жами 34 нафар ўқитувчи фаолият юритади.
Шундан:барчаси олий маълумотли бўлиб улардан 3(8%) нафари олий тоифали 2(6%)нафари биринчи тоифа, 6 (18%) нафари иккинчи тоифали ва 23 (67%) нафари мутахассис.
Ўзбекистон Республикаси Вазирлар Маҳкамасининг 2021 йил 13 июндаги “Умумий ўрта ва ўрта махсус таълим муассасалари рейтенгини аниқлаш чора-табирлари тўғрисида” ги 345-сонли қарорига асосан Республика МИЛЛИЙ РЕЙТЕНГИДА 8 та индикатор бўйича мактаб 29,4 балл билан Республикада 9622 та мактаблар ичида 112-ўринни, Вилоятда 1286та мактаблар ичида 6-ўринни ва туманда 60та мактаблар ичида фахрли 1-ўринни эгаллади.
Индикаторлар бўйича таҳлил қилинганда биринчи индикатор олий таълимга кириш бўйича туманда 81,9 балл билан 1-ўринда.
Ўзбекистон Республикаси Президентининг “Ўзбекистон Республикасида ҳорижий тилларни ўрганишни оммалаштириш фаолиятини сифат жиҳатдан янги босқичга олиб чиқиш чора-тадбирлари тўғрисида”ги 2021 йил 19 майдаги ПҚ-5117-сонли қарор ижросини таъминлаш мақсадида мактабда таълим олаётган ўқувчилардан 4 нафари ингилиз тили фанидан IELTS сертификатига эга. Ўқитувчилардан хорижий тил фанидан миллий сертификатга (С1, С2, В1, В2, А1, А2 даража) эга бўлган ўқитувчилар йўналишида ҳам туманда кучли ўнталикдан ўрин эгаллаган.
Мактабнинг қуйидаги ютукларини алоҳида таъкидлашим керак.
Жумладан:
Сентабрь ойида мактабда бошланғич таълим фан ойлиги ўтказилди. Фан ойлиги давомида турли тадбирлар ўтказилди. Бу тадбирларнинг барчаси “Қўшчинор” газетасида ёритилиб борилди.
Мактаб директори геграфия фанлари номзоди “Халқ таълими аълочиси” Юлдуз Абдурахмонова 1-октабрь “Устоз ва мураббийлар куни” муносабати билан кўп йиллик меҳнатлари, таълим-тарбия жараёнига қўшган муносиб ҳиссаси учун “Таълим фидойиси” унвони билан тақдирланди.
Октабрь ойида мактабда “Она тили ва адабиёт “фан ойлиги доирасида туман Халқ таълими бўлими билан ҳамкорликда “она тилим-фахрим, ғурурим” номли адабий-бадиий кеча ташкил қилинди. Бу бадиий кеча республика нодавлат телерадиокомпанияси “Zo’rTV” канали “Bu kun” информатцион дастурида намойиш етилди.
Ҳозирги кунда мактабнинг директори Юлдуз Абдурахмонова, бошланғич таълим фани ўқитувчиси Зарина Усмонова, география фани ўқитувчиси мажид Усмонов, тарих фани ўқитувчиси Сиддиқ Саидов, амалиётчи психологи Роҳила Ешмуродова, хўжалик ишлари бўйича директор ўринбосари Эсанбой Расуловларни алоҳида еътироф қилишим керак.