Vagonlar va vagon xo’jaligi kafedrasi tvv-706 guruh talabasi A'zamov Bekzodning diplom oldi amaliyotni o’taganligi to’g’risida

sexining yo‘nalishi va jixozlanishi
Yuk vagon telejka sexi, joriy (TOR), depo (DT), kapital (KT) va xizmat muddati uzaytirilgan kapital ta’mir (KT-2) uchun mo‘ljallangan.
Yuk vagon telejka sexi qo‘yidagi bo‘limlardan iborat:
I bo‘lim – kirish nazorati;
II bo‘lim – telejkani quruq tozalash. Metall shetka yordamida chang va kirdan, zangdan, eski ko‘chib qolgan bo‘yoqdan, yon ramaning (боковина) karmanlarini, ressor usti balkasini (надрессорная балка) chiqindalardan tozalash;
III bo‘lim – telejkani suv yordamida tozalash. Bu yerda ko’priksimon kran 10 tonnali yordamida telejkalarni texnik aravaga qo‘yib suv bilan yuvish mashinasi va yuqori bosim ostida ishlaydigan “KARCHER” ga olib kirish uchun jixozlangan.
IV bo‘lim – yuk vagon telejkalarini sochish va yig‘ish;
V bo‘lim – defektoskop nazorati. Bunda yuk vagon telejkalarining yon ramasi va ressor usti balkasi magnit kukunli va vixretokli usullar bilan tekshiriladi, bunda yon rama va ressor usti balkalasi maxsus kantovatelga mustaxkamlab o‘rnatilib tekshirish uchun jixozlangan joydan iborat.
VI bo‘lim – yuk vagon telejkalari uzel va detallarini defektoskop qilish bo‘limi. Ruxsat etilgan nazoratdan o‘tgandan keyin detallarni defektasiyasi amalga oshiriladi. Bunda yuzalardagi yoriqlar va yemirilishlar ko‘zdan kechiriladi, hamda maxsus dastgox yordamida o‘lchamlari olinadi, va ularning ta’mirga yaroqlilig aniqlanadi;
VII bo‘lim –yon ramalarni ta’mirlash hududi. Bu yerda bir tomoni xarakatsiz ikkinchi tomoni esa aylanma xarakatdagi (консоль)ga, yon rama joylashtiriladi va uning freksion planka klyopkasi gidravlik skoba yordamida qotiriladi;
VIII bo‘lim - ressor ustki balkalasi (наклон поверхности)ни ta’mirlash. Bu yerda payvandlash posti bo‘lib, ressor ustki balkalari kontovatelga qotirilib payvandlash ishlari olib boriladi;
IX bo‘lim - ressor ustki balkalasi pyatnik qismini ta’mirlash hududi. Payvandlash posti maxalliy chiqindi ventilyatsiyasi bilan jixozlangan bo‘lib, bu yerda aylana yo‘nuvchi dastgox modeli 2M55, inv. № 044282 stoliga ressor ustki balkasi qotiriladi va rastochka qilinadi. Rastochka qilingandan so‘ng payvandlash postidagi kantovatelga qotirilib, pyatnikka naplavka quyiladi, yoriqlar va shkvoren osti vtulkasi payvandlanadi;
X bo‘lim –freksion klin ta’mirlash hududi. Payvandlash posti maxalliy chiqindi ventilyatsiyasi bilan jixozlangan bo‘lib bu yerda freksion klin yassi yuzasiga metall planka payvandlanadi;
XI bo‘lim – mexanik ishlov berish. Ressor ustki balkasining podpyatnigi payvand yo‘li bilan qoplangandan so‘ng, frezor ЧПУ УФ5327М modelli dastgox stoliga ressor ustki balkasi biriktiruvchi moslama bilan mustaxkamlanadi va mexanik ishlov beriladi;
XII bo‘lim – yuk vagon telejkalari podveskasini defektoskop qilish joyi;
XIII bo‘lim – Prujinalarni sinovdan o‘tqazish joyi. Bu yerda prujinalar tozalanib, ichki va tashqi prujinalar tekshirilib maxsus sinov stendiga qo‘yiladi va ularning o‘lchamlari olinadi;
XIV bo‘lim – triangel ta’mirlash joyi, yig‘ish va sochish stendi, ta’mirdan oldin va keyin joylashtirish uchun maxsus stol va maxsus sinov stendi bilan jixozlangan;
XV bo‘lim – yuk vagon telejkalarini ta’mirdan so‘nggi chiqish nazorati.
Bir yilda bir marta korxona raxbariyati tomonidan, sexdagi barcha jixozlangan dastgoxlar, qurilmalar, asbob-uskunalar, payvandlash ishlarida ishlatiladigan maxsus uskunalarni komission tekshiruvdan o‘tkazish.