Ва туризм ўқув қўлланма Тошкент – 2008 йил

Асосий туристик йўналишлар.
«Ўзбектуризм» миллий компанияси саёҳат қилиш турига қараб қуйидаги туристик йўналишларни ишлаб чиққан:
- классик туристик йўналиш (Тошкент, Самарқанд, Бухоро, Хива, Тошкент; Тошкент, Самарқанд, Бухоро, Шаҳрисабз, Тошкент) энг қадимий ёдгорликлар ва тарихий – маданий обидаларга ташриф билан боғлиқ;
- археологик туристик йўналиши (Қорақалпоғистон, Самарқанд, Сурхандарё ҳудудлари бўйлаб) энг қадимий археологик ашёлар топилган ва айни пайтда қазилма –қидирув ишлари олиб борилаётган жойлар билан танишишни мақсад қилиб қўяди;
- экологик туристик йўналиши (Чатқол тизмасидаги дам олиш ва даволаниш оромгоҳлари, Зомин ва Бухоро вилоятларидаги қўриқхоналар) алоҳида муҳофаза қилинадиган табиий ҳудудлар ва инсон саломатлиги учун фойдали жойларга саёҳат билан боғлиқ;
- экстремал туристик йўналиши (Чимён, Фарғона водийси тоғ ён бағри, Орол бўйи, Бухоро ва Навоий вилоятлари текисликлари бўйлаб) табиий қийинчиликларни енгиб ўтишни назарда тутади;
- маънавий туристик йўналиши (Тошкент, Самарқанд, Бухоро ва бошқа вилоятлардаги) тарихий-диний обидаларни зиёрат қилиш билан боғлиқ;
ҳаво йўллари туристик йўналиши (Ўзбекистон шаҳарлари ва Германия, Голландия, Италия, Россия, Хитой, Япония каби хорижий давлатлардаги) кўзланган манзилга самалётда етказиш билан боғлиқ;
Шунингдек, мамлакат бўйлаб маданий сайр – танишув, спорт-сайёҳлик, даволаниш, мақсадли, дам олиш туристик йўналишлари ва бошқалар бор.


Ўз-ўзини назорат қилиш ва текшириш учун саволлар.
1. Туризмнинг жамиятдаги ўрни нималардан иборат ва у қандай хусусиятларга эга?
2. Туризм шаклан қандай турларга эга?
3. Сайр-саёҳат тушунчалари бир биридан нима билан фарқ қилади?
4. Туризмнинг асосий турлари ҳақида нималарни биласиз?
5. Пиёда юриш, тоғда юриш, қояларга чиқиш, чамалаб топиш каби туризм турларининг бир-биридан фарқлари нимада?
6. Туризмнинг қандай йўналишлари мавжуд?