Va telekommunikasiya texnologiyalari davlat

Tadqiqotning ilmiy farazi.
Bilimlarni ifodalash modelini samarali o‘qitish 
strategiyasini shakllantirish imkoniyatini yaratadi.
 
Muammoni o‟rganganlik darajasi.
 
O‘qitish jarayonida kompyuterli 
vositalarni qo‘llash, avtomatlashtirilgan o‘qitishni tashkil etish, qolaversa 
intellektual elementlarni o‘zida mujassamlashtirgan intellektual o‘qitish tizimlarni 
tashkil etishining nazariy asoslari hamda ularning amaliy tadbig‘i borasida bir 
qator ishlar amalga oshirilgan bo‘lib, ular usullar, model va algoritmik vositalar 
ko‘rinishda o‘z aksini topgan. Ushbu ishlar X.L. Berns, S.Dj. Keps, Dj. Fink, A. 
Kopsa, V. Petrushin, A.F. Verlan, T.F. Bekmuratov, M.M. Kamilov, A.X. 
Nishanov, B.SH. Radjabov, M.I. Aripov, U.Yo‘ldashev, A.A. Abduqodirov, N.A. 
Ignatev, N.O. Raximov kabi bir qator olimlarning ishlarida nazariy izlanish 
natijalari hamda amaliy tadbiq jarayonlari o‘z aksini topgan. Xususan, X.L. 

---

~ 7 ~ 
Bernns, S.Dj. Keps ishlarida veb-tarmoqda avtomatlashtirilgan o‘qitish tizimi 
tamoyillaridan foydalanish yondashuvlarini taklif etiligan bo‘lsa, V.Petrushinning 
ishida an‘anaviy o‘qitishda avtomatlashtirilgan o‘qitish tizimlarini qo‘llash va 
uning tarkibiy elementlari ajratilib, modellari qurilgan. T.F.Bekmuratov, 
M.M.Kamilovlarning ishlarida o‘qitish jarayonini intellektuallashtirish va uning 
tashkiliy elementlarini ajratgan holda modellashtirish taklif etilgan, xususan, 
o‘qitish strategiyasi va ssenariysini tuzish uchun tarkibiy elementlar ham nazariy 
asoslangan bo‘lib, masofaviy ta‘lim tizimlari uchun turli ko‘rinishdagi dasturiy 
vositalarda aks ettirilgan. A.X.Nishanov ishida timsollarni aniqlash uslublari 
qo‘llanilgan holda moslashuvchanlikni ta‘minlash yondashuvlari ishlab chiqilgan. 
O‘rganib chiqilgan ishlarda, intellektual o‘qitishni tashkil etish 
elementlarining modellari tadqiq qilingan, biroq intellektual o‘qitish tizimini 
bilimlar bazasida ifodalash masalalari yetarlicha o‘rganilmagan. Shu sababli, 
tadqiqot ishida intellektual o‘qitishni tashkil etishda bilimlar bazasini shakllantirish 
masalalari, shu orqali tizimning samarali ishini yo‘lga qo‘yish vazifalarini 
chuqurroq tahlil etish va tadqiq qilishga asos bo‘ldi.