Ва ўрта махсус

1-топшириқ. Гаплардаги мантиқий-услубий хатоларни аниқланг. Уларни таҳрир қилиб кўчиринг. Бундай хатоларнинг сабабларини оғзаки тушунтиринг.
1.Ял-ял ёнган лолақизғалдоқлар сингари бир қўшиқ, бир қўшиқ.(Газетадан) 2. Заминни, кулгини, гулларни қучаман... авайлайман уларни ва кўтариб юраман чақалоқлар сингари. (Газетадан). 3. Ўй сурар мусаффо ҳаво қўйнида, гўдакдай бошини қилиб сарак. (Газетадан). 4.Товуқ инқиллайди, нигорон кўзларини эгасига тикиб, ундан нажот кутади, дийдаларидан марварид томчилари думалайди. (С. Сиёев). 5.Канада парламенти мажлислар зали йўлагини йўғонлиги болдирдай тилла тўсин тўсиб туради. (Ҳ.Шарипов). 6.Эллик ёшлар чамасидаги паҳлавондан келган одам эди. (М.Қориев) 7.Ҳирснинг тоғдай қоматини муҳаббатнинг қилдай қуввати чилвир билан боғлаб, баланд адолат қоясидан улоқтириб ташлади. (М.Қориев)
2-топшириқ. Сон шаклларининг синонимиясини аниқланг, уларнинг семантик-услубий хусусиятларини баён қилинг.
1.Тўрталангиз тугал юринг, -деб онаси уқтирди Фозилга. (“Ёш куч”) 2. Пахта плани юз икки ярим қилиб бажарилди. Пилла плани ҳам 102,5 қилиб адо этилди. (Газетадан). 3.Хона эшиги олдида юзларча одам навбат кутиб турарди. (Н.С.) 4.Яна уч-тўрт бола биз томон бўлди. (“Ёшлик”). 5.Тўрттагина ўғлимиз бор. Тўртови ҳам армияда. (Ҳ.Ғ.) 6.Уч туп гилос, беш туп олма экдим. 7.Салимлар биздан беш уй нарида яшайди. 8.Болаларнинг каттаси ўн бир-ўн икки ёшларда эди. 9. Ваъдасизнинг, бирламчидан, эл орасида обрўйи бўлмайди. Иккиламчидан, ҳамма вақт юзи шувут бўлади.
3-топшириқ. Тўлиқ ва нотўлиқ шаклли сифатлар топиб, уларни тегишли отлар билан бириктириб гаплар тузинг. Бу синонимик вариантларни семантик услубий ва функционал-услубий тавсифланг.
Намуна: Улуғ вазифа-улуғвор вазифа. Улуғвор сифати публицистик нутқда ишлатилади, кўтаринкилик ва тантанаворлик услубий маъносига эга.
4-топшириқ. Қуйидаги гаплардан сонларнинг от билан бирикиб келишида нотўғри танланган сон шаклларини аниқланг. Гапларни тузатиб кўчиринг.
1.Соат беш чамаси. 2.Биров қўрқсанг, учов кел. 3.Боғимизда учта туп олма гуллади. 4.Бугун синфда олтиларча ўқувчи йўқ эди. 5.Талабаларнинг саккизовлони ҳам разрядли спортчи. 6.Бойнинг бир яримтача таноб ери бўлган. 7.Кундалик газ ишлаб чиқариш юз тоннадан ошди. 8. Ерсизлар уч-тўрт ботмонли ер олдилар. 9.Бу тўртликка тўртта содда гап бор. 10.Ўйин тезлик билан борди, тўп иккала дарвозада ҳам бўлди. (Радиодан)