Ва ўрта махсус

6-топшириқ. Риторик сўроқ гапларнинг қуйидаги маъноларига гаплар тузинг:

Тасдиқ
Инкор
Таажжуб
Ташвиш
Ғазаб
Гумон
Кучли ҳаяжон

Мустақил бажариш учун қўшимча вазифалар





1-топшириқ. Қуйидаги берилган қўшма гапларни унинг ўнг томонига содда гапга айлантириб ёзинг. Бунинг учун қўшма гап таркибида қандай ўзгаришлар қилганингизни айтинг.
1.Шуни билгинки, сен келажакнинг мевасисан.
2.Ким спорт билан шуғулланса, у соғлом бўлади.
3.Ҳунар ўрган, чунки ҳунарда кўп сир бор.
4.Қалбингизга қулоқ солсангиз, ниятингизга етасиз.
2-топшириқ. Матнни ўқинг. Дарак, сўроқ, буйруқ ва истак гапларга хос турли услубий бўёқларни аниқланг.
Қизилиштон
Бола эдим... Куз эди... Сўрида дарс қилиб ётибман. Аммам бир бурчакда мудраб ўтирибди... Осмонда мезонлар учади. Қондек қизарган ток барглари оҳиста чайқалади. Ўрик хазонлари унсиз пир-пираб тўкилади. Боғ томондан яккаш бир садо келади: “тук-тук-тук, тук-тук-тук”. Ғашга тегади. Хаёлингни қочиради... Охири бўлмади, аммамдан сўрадим:
-Нима у амма?
Аммам чўчиб кўзини очди.
-Нимани сўрайсан, болам?
-Анави тўқиллаётганни-да, нима ўзи?
Аммам бир зум қулоқ солиб турди. Кейин носини тупуриб, жилмайди.
-Қизилиштон-ку!
-Нега ҳадеб тўқиллатади? Жонга тегди-ку?
-Унақа дема, болам, -деди аммам хўрсиниб.- Худо уни шунга яратган, дарахтнинг қуртини еб тозалайди... -Узоқ жим қолди-да, қўшиб қўйди. -Қанийди, Оллоҳ одамзоднинг кўнглидаги қуртларни тозалайдиган шундоқ жонивор яратса. Ҳамма жаннатга тушармиди...