Va o‘rta maxsus ta’lim vazirligi samarqand iqtisodiyot va servis instituti «Xizmatlar ko‘rsatish, servis va uni tashkil etish»

Foydalanilgan adabiyotlar va manbalar ro‘yxati: bitiruv malakaviy ish muallifi tomonidan foydalanilgan barcha rasmiy hujjatlar, ilmiy manbalar, statistik va tahliliy materiallar, shuningdek, ilmiy maqola va tezislar to‘plamidan tashkil topadi. Adabiyotlar va ulardan foydalanish tartibi alohida qismda keltirilgan .
Ilovada: asosiy matnni o‘qishni qiyinlashtiradigan va mavzuni yoritish uchun to‘liq foydalanilmaydigan ma’lumotlar, jadvallar, grafiklar, rasmiy hujjatlar nusxalari, diagrammalar keltiriladi va belgilangan tartibda ketma-ketlik asosida raqamlab chiqiladi.
Bitiruv malakaviy ish - bu bakalavr mutaxassisning bilim darajasini tasdiqlovchi yakuniy hujjat. Hujjat bo‘lganligi sababli bitiruv malakaviy ish hujjatlashtirish qoidalariga asosan rasmiylashtirilishi zarur. Rasmiy hujjatlar va ilmiy hisobotlar uchun talablar konstruktorlik hujjatlarning yagona tizimiga oid standartlarda aks ettirilgan. Ushbu standartlar shartlarini bitiruv malakaviy ishlarga qo‘llagan holda quyidagilarga rioya qilish zarur:

1. 
   Bitiruv malakaviy ishlarning titul varaqasida vazirlik nomi, institut nomi, kafedra nomi, ishning mavzusi bajaruvchisi, rahbar va himoyaga tavsiya etilganligi aks ettirilib, barcha titullar bir xil shaklda bo‘lishi shart.
   
2. 
   Bitiru malakaviy ishining tushuntiruv qismi (80-100 bet) kamida 10-15 ming so‘z hajmida qo‘lyozma yoki kompyuterda terilgan shaklda (kafedroa mudirining roziligi bilan) bajarilishi shart.
   
3. 
   Bitiruv malakaviy ish kitob shaklida tikilgan bo‘lib, birinchi beti titul varaqasini takrorlaydi, so‘ng kafedra tomonidan berilgan topshiriq, mundarija, keyin esa tartib rakami buyicha barcha betlar qo‘yiladi.
   
4. 
   Bitiruv malakaviy ishning matni aniq, tushunarli va yuqori savodxonlik darajasida orfografik va sintaktik xatolarsiz yoziladi.
   

Malakaviy ishni sodda, aniq va tushunarli qilib yozilishi uning yuqori darajada bajarilganligidan dalolat beradi.

5. 
   Rasmiy hujjatlarda odatda har xil rang ishlatilmaydi, shu sababli bitiruv malakaviy ish qo‘lyozma shaklida ko‘k rangda yozilishi zarur. Bobning yoki paragrafning nomlari tagidan chizish bilan ajratiladi.
   
6. 
   Bitiruv malakaviy ishda jadvallar yagona tartibda raqamlar bilan belgilanadi. Boblar bo‘yicha jadvallarni raqamlash, ularning soni juda ko‘p bo‘lganda yoki o‘zaro bog‘lanish mantiqiy bo‘lmagan hollarda ruxsat etiladi. Rasmlar alohida tartib raqamiga ega bo‘lishi shart. Jadvallarning yozuvlari aniq o‘qilishi va yagona ma’noni ifodalashi zarur.
   
7. 
   Bitiruv malakaviy ishda rasmlar, foto surat va sxemalar mavzuni kengroq yoritishga xizmat qilishi kerak. Har bir rasmning tagida uning tartib nomeri va izohi bo‘lishi shart.
   
8. 
   Malakaviy ishda so‘zlar va atamalarni qisqartirilishiga yo‘l qo‘ymaslik lozim. Boshqa mualliflar va yo‘riqnomalardan keltirilgan fikrlar, gaplarni qo‘shtirnoq (« ») ichiga olinib, qaysi adabiyotning qaysi betidan olinganligi mazkur sahifaning pastki qismida ko‘rsatib qo‘yilishi zarur. Korxona ma’lumotlarini aks ettiruvchi katta hajmdagi hujjat va ma’lumotlar malakaviy ishning ilovalar qismiga o‘tkaziladi, matnda esa qaysi raqamli ilovaga qarash kerakligi ko‘rsatib o‘tiladi.
   
9. 
   Bitiruv malakaviy ishning varaqlari, jadval va grafiklar va ilovalarning barchasi oxirgi varaqqacha raqamlab chiqiladi. Birinchi bet titul varag‘i, ikkinchi bet mundarija bo‘lib, ularga raqam qo‘yilmaydi va kirish qismidan boshlab raqamlanib boradi. Raqam har bir varaqning yuqori qismiga yoziladi.
   

Talabalarning malakaviy bitiruv ishlari yuqoridagi bosqichlari bo‘yicha rasmiylashtirilgandan so‘ng ish tashqi taqrizga yuboriladi.