Va muvofiqlashtirish hududiy boshqarmasi

1- sentabr O'zbekiston Respublikasining Mustaqillik kuni deb belgilansin va 1991- yildan boshlab bu kun bayram va dam olish kuni deb e'lon qilinsin.

O'zbekiston Respublikasi Oliy Kengashi qaroridan.

O'zbekiston Respublikasi Oliy Kengashining VII sessiyasi 1991-yil 30-sentabr kuni ,,O'zbekiston Respublikasining dav­lat mustaqilligi asoslari to'g'risida"gi Qonunga Konstitutsiyaviy qonun maqomini berishga qaror qildi. Qarorda O'zbekiston Res­publikasining amaldagi Konstitutsiyasi moddalari ,,0'zbekiston Respublikasining davlat mustaqilligi asoslari to'g'risida"gi Qonunning moddalariga zid kelgan hollarda mazkur qonunga amal qilinsin, deb belgilab qo'yildi.

O'zbekiston Respublikasi Oliy Ken­gashining 1991-yil noyabrda bo'lgan VIII sessiyasi davlat mustaqilligi ma-salasi bo'yicha referendum o'tkazish haqidagi masalani ko'rib chiqdi. Oliy Kengash sessiyasi 1991- yil 18- noyabr kuni ,,0'zbekiston Respublikasi referendumini o'tkazish to'g'risida" qaror qabul qildi. Qarorda 1991- yil 29- dekabr, yakshanba kuni O'zbekiston Respublikasining davlat mustaqilligi to'g'risidagi masala bo'yicha referendum o'tkazish belgilandi.

,,0'zbekiston Respublikasi Oliy Kengashi tomonidan e'lon qilingan O'zbekiston Respublikasining davlat mus­taqilligini ma'qullaysizmi?"

Referendumda ovoz berish byulleteniga kiritilgan savol ana shunday ta'riflangan edi. Referendumga puxta tayyorgarlik ko'rildi. Markaziy saylov komissiyasi, 13 saylov okrugi, 7- ming uchastka saylov komis-siyasi tuzildi. 1991- yil 29- dekabr kuni bo'lib o'tgan referen­dumda 9.898.707 kishi yoki saylov ro'yxatiga kiritilganlarning 94,1 foizi qatnashdi. Ovoz berishda qatnashganlarning 98,2 foizi referendumda qo'yilgan savolga ,,Ha", ya'ni, O'zbekiston Re­spublikasi mustaqilligini ma'qullaymiz, deb ovoz berdi.

Markaziy saylov komissiyasi ,,0'zbekiston Respublika­si referendum! to'g'risida"gi qonunning 26-moddasiga asosan O'zbekiston Respublikasi Oliy Kengashi tomoni­dan e'lon qilingan O'zbekiston Respublikasining davlat mustaqilligi umumxalq tomonidan ma'qullandi deb topdi.