Va muvofiqlashtirish hududiy boshqarmasi navbahor tumani kasb-hunar maktabi "tasdiqlayman"

Mashina-traktorli agregatlar va ularning turkumlanishi. Mexanizatsiyalashtirilgan jarayonlar va qishloq xo‘jalik ishlab chiqarishda mashina agregatlari bilan bajariladi. Mashinali (mashina-traktor agregat) energetik qism, uzatish mexanizmi va ish mashinasi qurollarining qo‘shilmasidan iborat. Energiya manbayi sifatida traktor, o‘ziyurar shassi, ichki yonuv yoki elektr dvigatellari va boshqalar qo‘llanilishi mumkin. Qishloq xo‘jaligida dala va transport ishlarini bajarishda eng keng qo‘llaniladigan mexanik energiya manbayi traktordir. Òraktorlarga odatda ish mashinalari tirkalib yoki osib ishlatiladi. Energetik qismi traktor yoki o‘ziyurar shassi, ish mashinalari va ularni biriktirib turuvchi mexanizmlar yig‘indisidan tashkil topgan va bir vaqtning o‘zida bir yoki bir necha texnologik jarayonlarni bajaradigan mashina va mexanizmlar yig‘indisiga mashina-traktorli agregat (MÒA) deb ataladi. Mashina-traktorli agregatlar bajaradigan ishlarining turiga qarab haydov, ekin ekish, ko‘chat o‘tqazish, chopiq va boshqa ishlarni bajarishga mo‘ljallangan bo‘ladi. Agar mashina-traktorli agregat traktor va unda ishlatiladigan yuk tashish vositalari — telejkalardan yoki traktorlarga kuzov o‘rnatilgan bo‘lsa, bunday agregatlarga yuk tashish mashina traktorli agregatlar deb ataladi. Mashina traktorli agregatlar bir vaqtning o‘zida bajaradigan ishlarini soniga qarab oddiy, murakkab va kompleks turlarga bo‘linadi. Oddiy mashina traktorli agregatlar faqat bitta texnologik jarayonni bajaradi. Murakkab mashina-traktor agregatlar odatda kombaynlar deb nomlanadi. Bunday agregatlar bir necha ketmaket va bir vaqtning o‘zida bajariladigan texnologik jarayonlarni bajarish uchun ishlatiladi. Qishloq xo‘jalik ishlab chiqarishida ham mobil, ham statsionar mashinali agregatlar ishlatiladi. Mobil agregatlar texnologik jarayonlarni yurib bajaradi. Statsionar agregatlar ma’lum bir joyda turib ishlaydi.