V. M. Karimovaning umumiy tahriri ostida. Toshkent

8.5. Asosiy tushuncha va atamalar 
 
Individ; individuallik; temperament; xarakter; irodaviy sifatlar; emosiya (hissiyot)lar; shaxs 
iqtidori; qobiliyatlar; intellekt; orttirilgan sifatlar; intellektual salohiyat;. qobiliyatlarning psixologik 
strukturasi;  qobiliyatlar  va  qiziqishlar  diagnostikasi;  nutqining  xususiyatlari;  tashqi  qiyofa; 
fizionomika; xiromantiya; konstitusion nazariyalar. 
 
8.6. Rezyume 
 
Fanda “individ” tushunchasi “odam” degan tushunchani to’ldirib, uning ijtimoiy va biologik 
mavjudot sifatida mavjudligini tasdiqlaydi. Bu tushunchaning mohiyatini bir tomondan, boshqa 
odamlardan farqlovchi belgi va xususiyatlari, ikkinchi tomondan, o’ziga va o’ziga o’xshashlarga 
xos  bo’lgan  umumiy  va  xarakterli  xususiyatlari  tashkil  etadi.  Demak,  individ  –  insonga 
aloqadorlik  faktini  tasdiqlovchi  ilmiy  kategoriyadir.  “Individuallik”  esa,  yuqoridagi  har  ikkala 
tushunchalarga  nisbatan  torroq  tushuncha  bo’lib,  u  konkret  odamni  boshqa  bir  konkret 
odamdan farqlovchi barcha o’ziga xos xususiyatlar majmuini ifodalash uchun qo’llaniladi. Har 
bir shaxs bir-biri bilan xarakter, temperament hamda irodaviy sifatlarining betakrorligi o’zining