V. A. Kosteckiy MÁmleket hám huqíq tiykarlarí

ÓZBEKISTAN RESPUBLIKASÍNÍŃ HÁKIMSHILIK 
JUWAPKERSHILIK HAQQÍNDAǴÍ KODEKSI
Ózbekistan  Respublikasınıń  Hákimshilik  juwapkershilik  haqqındaǵı 
kodeksi  Ózbekistan  Respublikasınıń  1994-jıl  22-sentyabrdegi  Nızamı 

---

47
menen  tastıyıqlanǵan  Ózbekistan  Respublikası  Oliy  Kengashiniń  1994-
jıl  22-sentyabrdegi  Qararı  menen  ámelge  engizilgen.  Usı  kúnge  shekem 
kóplep ózgerisler kirgizilgen.
Hákimshilik  juwapkershilik  haqqındaǵı  nızam  hújjetleri  insan  hám 
jámiyet párawanlıǵı jolında puqaralardıń huqıq hám erkinliklerin, múlk-
ti,  mámleket  hám  jámiyetlik  tártipti,  tábiyiy  qorshaǵan  ortalıqtı 
qorǵawdı,  sociallıq  ádillik  hám  nızamlılıqtı  támiyinlewdi,  hákimshilik 
huqıqbuzarlıqlar haqqındaǵı jumıslardıń óz waqtında hám obyektiv kórip 
shıǵılıwın,  sonday-aq  bunday  huqıqbuzarlıqlardıń  aldın  alıwdı,  puqa-
ralardı  Ózbekistan  Respublikası  Konstituciyası  hám  nızamlarına  ámel 
etiw ruwxında tárbiyalawdı óz aldına wazıypa etip qoyadı.
Bul  wazıypalardı  ámelge  asırıw  ushın  usı  Kodeks  qanday  háreket 
yamasa  háreketsizlik  hákimshilik  huqıqbuzarlıq  esaplanıwın,  hákimshi-
lik  huqıqbuzarlıqtı  islegen  shaxsqa  qarata  qaysı  organ  (lawazımlı  shaxs) 
tárepinen  qanday  tártipte  qanday  hákimshilik  jaza  qollanılıwın  hám 
orınlanıwın belgileydi.

---