V. A. Kosteckiy MÁmleket hám huqíq tiykarlarí

«Tutınıwshılardıń huqıqların qorǵaw 
haqqında»ǵı Nızam, 29-statya
.

---

85
18-§. INTELLEKTUAL MÚLK HUQÍQÍ
INTELLEKTUAL MÚLK OBYEKTLERI
Hár kúni mıńlap adam óz pikirlerin kórkem yamasa muzıkalıq shıǵar-
ma sıpatında ańlatıw, izertlewlerdiń formulaların yamasa kestelerin jazıw, 
oylap tabılǵan nársesiniń úlgi nusqasınıń sızılmaların tayarlaw hám basqa 
maqsetlerde qolǵa taza qaǵaz aladı. Bunday miynet ruwxıy miynet, ol ar-
qalı jaratılǵan shıǵarmalar bolsa intellektual múlk delinedi.
Dáslep  intellektual  múlk  túsinigi  1967-jılı  Jáhán  intellektual  múlk 
shólkemin  dúzgen  Konvenciyaǵa  muwapıq  engizildi.  Ózbekistan  da  usı 
shólkem aǵzası bolıp esaplanadı.
Xalıq  aralıq  konvenciyalar  hám  Ózbekistan  Respublikası  nızamlarına 
muwapıq, aqılıy hám dóretiwshilik jumıslar nátiyjelerine qarata óz aldına 
jeke hám múlkli huqıqlar kompleksi intellektual múlk dep ataladı.
AVTORLÍQ HUQÍQÍ
Avtorlıq  huqıqı  puqaralıq  huqıqınıń  bir  bólimi  bolıp,  aqılıy  miynet 
penen shuǵıllanatuǵın puqaralar huqıqların qorǵawǵa baǵdarlanǵan.
Avtorlıq huqıqınıń maqseti, kórkem qádir-qımbatı hám ańlatıw usılına 
(proza,  poeziya,  audiojazšw  hám  b.)  qaramastan,  basıp  shıǵarılǵan  hám 
de qol-jazba formasındaǵı barlıq miynetlerge tiyisli boladı.
Onı  jaratıwda  dóretiwshilik  miyneti  sińgen  shaxs  shıǵarmanıń  avtorı 
bolıp esaplanadı. Shıǵarma birgeliktegi dóretiwshilik miynet ónimi bolsa, 
ol barlıq avtorlaslarǵa da tiyisli boladı.