V. A. Kosteckiy MÁmleket hám huqíq tiykarlarí

91
19-§. PUQARALÍQ ISINIŃ SUDTA KÓRIP SHÍǴÍLÍW 
BASQÍSHLARÍ
Bul sabaqtš úyrenip shıǵıw nátiyjesinde siz:
 
— qálegen  is  boyınsha  puqaralıq  sudlaw  procesi  basqıshlarınıń  iz-
be-izligin bilip alıwıńız;
 
— puqaralıq sudlaw procesi qatnasıwshılarınıń huqıqları hám wazıy-
paları menen tanısıwıńız;
 
— xalıq aldında sóylew bilim hám kónlikpelerińizdi jetilistiriwińiz;
 
— alınǵan bilimlerdi ámelde qollanıwǵa umtılıp kóriwińiz múmkin.
Istiń  sudta  kóriliwi  puqaralıq  sudlaw  procesiniń  tiykarǵı  basqıshı      
esaplanadı, ol kópshilik jaǵdaylarda júzege kelgen kelispewshilikti sheshiw 
menen  juwmaqlanadı.  Birinshi  instanciyadaǵı  sudlarda  puqaralıq  islerin 
sudyanıń jeke ózi kórip shıǵadı.
Usı  sabaqta  siz  puqaralıq  isiniń  sudta  kóriliwin  esletetuǵın  proceste 
qatnasasız.
Is faktlerinen kelip shıǵıp, sizge usınıs etilgenine qarap sudya, dawa-
ger, juwapker roline kirisip ketiwge háreket etiń hám de puqaralıq huqıqı 
tiykarları  boyınsha  alınǵan  bilimlerden  paydalanǵan  jaǵdayda,  nızamǵa 
muwapıq  hám  bar  bolǵan  jaǵdaydı  esapqa  alıp,  huqıq  buzılıwın  aqılǵa 
muwapıq sheshiwge háreket etiń.