V. A. Kosteckiy MÁmleket hám huqíq tiykarlarí

Ózbekistan Respublikasınıń Puqaralıq kodeksi, 
353-statya
.

---

67
Puqaralıq-huqıqıy shártnamanıń tiykarǵı belgileri: 
 
— shártnama ıqtıyarlı túrde dúziledi;
 
— shártnama  tárepleri  eki  yamasa  onnan  artıq  shaxs  bolıwı 
múmkin;
 
— shártnamalarda táreplerdiń bir-birine degen huqıqları hám wazıy-
palarınıń kelip shıǵıwı, ózgeriwi yamasa biykar etiliwi kórsetiledi;
 
— tárepler  usınǵan  barlıq  shártler  boyınsha  kelisilgeninen  keyin 
shártnama dúzilgen bolıp esaplanadı.
Tárepler  shártnama  dúziliwi  ushın  barlıq  tiykarǵı  shártlerdi  óz  ishine 
alǵan  usınıslardı  kirgizedi.  Ádette,  oferta  (latınsha  offertus — usınılǵan) 
málim bir shaxsqa qaratılǵan boladı. Anıq emes shaxslarǵa jiberilgen oferta 
ulıwmalıq  dep  ataladı,  mısalı,  gazetada  avtomobil,  jay,  mebel  h.t.b.  satıw 
haqqında járiyalanǵan daǵaza.
Puqaralıq  huqıqında  kontragenttiń  shártnamanı  dúziw  haqqındaǵı 
usınıs penen šrazılıǵı xat yamasa telegramma, taypogramma, faks, SMS 
hám basqa formalarda ańlatıladı. Keyin ala tárepler shártnama shártlerin 
tolıq kelisip aladı.