V. A. Kosteckiy MÁmleket hám huqíq tiykarlarí

129
26-§. MIYNET DAWLARÍ HÁM OLARDÍ SHESHIW TÁRTIBI
JEKE MIYNET DAWLARÍNÍŃ TÁREPLERI HÁM MAZMUNÍ
Miynet  dawları  —  xızmetkerler  menen  jumıs  beriwshiler  ortasın-
da  miynet  nızam  hújjetlerin  qollanıwdan  kelip  shıqqan  kelispewshilikler 
bolıp tabıladı.
Miynet dawların jeke hám jámáátlik dawlarına ajıratıwǵa boladı. Jeke 
dawlardı  belgili  xızmetker  huqıqları,  onıń  nızamlı  mápleri  tartıs  boladı 
hám qorǵaladı. Jámáátlik dawlarda bolsa pútkil miynet jámááti yaki onıń 
bir bóliminiń huqıqları, mápleri, wákillikleri qorǵaladı.
Buzılǵan miynet huqıqın tiklew yaki qorǵaw maqsetinde miynet dawı 
boyınsha is qozǵatqan shaxs dawager bolıp  esaplanadı. Juwapker — dawa 
boyınsha juwapkershilikke tartılatuǵın shaxs.