Узлуксиз малака ошириш тизимини янада такомиллаштиришнинг ташкилий механизми

III босқич. Малака оширишнинг автоматлаштирилган ахборот тизимини синовдан ўтказиш, фойдаланиш учун қабул қилиш:
АТни яратилишини назорат қилиш, синовдан ўтказиш ва фойдаланишга қабул қилиш O‘DSt 1986:2018 давлат стандарти асосида амалга оширилиб, у қуйидаги босқичларда амалга оширилади:
1) дастлабки синов;
2) тажрибавий фойдаланиш;
3) қабул синовлари.
Якуний босқич:
1) малака ошириш жараёнини тизимли мониторинг қилиб бориш.
Кадрларнинг узлуксиз малакасини ошириш орқали уларнинг интелектуал ва инновацион потенциалларини ривожлантириб бориши корхона ва ташкилотларда меҳнат самарадорлигини оширади ва юқори манфаат келтиради. Шу сабабли, малака оширишнинг автоматлаштирилган ахборот тизимида ходимларнинг малакасини ошириш жараёнини тизимли мониторинг қилиб бориш муҳим аҳамиятга эга.
Мониторинг таҳлили натижасида тўпланган ахборотларни корхона ва ташкилотларда кадрлар сиёсати, уларнинг интеллектуал салоҳиятни ошириш ҳамда меҳнат самарадорлиги ва юқори манфаатга эришиш бўйича стратегик бошқарув қарорларини қабул қилишда қўллаш мумкин.
2) малака ошириш фаолияти самарадорлигини баҳолаш.
Корхона ва ташкилотларда ходимларнинг малакасини оширишдан кутилган натижа қуйидаги самарадорлик кўрсатгичларидан иборат:
- бошқарув сифати ва меҳнат унумдорлигининг ошиши;
- ишлаб чиқариш ва хизмат кўрсатишнинг яхшиланиши;
- даромаднинг ошиши;
- харажатларнинг қисқариши;
- инновацион ва манфаатли лойиҳаларни амалга ошиши.
3) малака ошириш тизимига тузатиш киритиш.
Бозор конъюнктураси, рақобат, илмий-техник тараққиёт, ички ва ташқи талаб ва таклифдан келиб чиқиб, малака ошириш тизимига тузатишлар киритиш бўйича таклифлар тайёрланади.


Хулоса:
Шундай қилиб, малака ошириш тизимини ахборот-коммуникация технологияларини қўллаган ҳолда такомиллаштириш корхона ва ташкилотларнинг ривожланиши ва равнақига ижобий таъсир кўрсатади.
Малака ошириш жараёнини мониторинг қилиш ва баҳолаб бориш корхона ва ташкилотларда кадрлар сиёсати, уларнинг интеллектуал салоҳиятни ошириш ҳамда меҳнат самарадорлиги ва юқори манфаатга эришиш бўйича бошқарув қарорларини қабул қилишда муҳим аҳамиятга эга.
Бундан ташқари, карантинга оид чоралар амал қилиши даврида ходимларни масофавий иш усулида, мослашувчан иш графигида ёки уйда ишлашга ўтказилганда ҳам автоматлаштирилган ахборот тизимини қўллаган ҳолда масофавий малака ошириш ва мустақил ўқиб билим орттириш шакллари орқали ходимларнинг билим ва малакасини оширишни бошқариб бориш меҳнат самарадорлигини қўллаб-қувватлаб туришда энг тўғри ечим бўлади.