Узбекистон Республикаси Ташки Ишлар Вазирлиги

2-§. Шартномалар таснифи 
 
Барча шартномалар битта умумий хусусиятга эга бўлган: улар
иккитомонлама ҳуқуқий акт ҳисобланган (negotia bilateralia). Уларнинг 
бошқа хусусиятлари турлича бўлган. Турли хусусиятларига қараб 
шартномалар бир неча турларга бўлинган. 
а) Тузилган шартномадан келиб чиқадиган ҳуқуқ ва мажбуриятларга 
қараб, шартномалар бир томонлама, иккитомонлама тенг бўлмаган ва 
иккитомонлама шартномаларга бўлинган. Бир томонлама шартномага ёки
contractus unilaterales бир томон кредитор, иккинчи томон эса қарздор 
бўлган шартнома кирган; бунда битта талаб ва битта қарз ўрнатилган.
Иккитомонлама тенг бўлмаган шартномалар ёки contractus bilaterales 
inaequalesда тузилиш пайтида битта талаб ва битта қарз ўрнатилган, лекин 
шартнома ижро этилиш пайтида яна бошқа талаблар ва бошқа мажбуриятлар 
қўшилиши мумкин бўлган. Иккитомонлама шартнома ёки contractus
bilateralesда шартнома тузилиш пайтида 2 талаб ва 2 мажбурият ўрнатилган:
бир талаб бўйича кредитор ҳисобланган томон иккинчи мажбурият бўйича 
қарздор ҳисобланган, биринчи талаб бўйича қарздор ҳисобланган томон эса
– иккинчи мажбурият бўйича кредитор ҳисобланган. Бунга кўра,
иккитомонлама тенг шартномалар ўзаро талаб ва мажбуриятларни келтириб 
чиқарган. Бу хусусиятига кўра, улар 
синаллагматик шартномалар
деб 
аталган, талаб ва мажбуриятлар бир-бирига мувофиқ бўлгани учун улар яна 
коммутатив шартномалар
деб ҳам аталган. 
б) Томонлар ўртасида иқтисодий нисбат ўрнатилишига қараб, 
шартномалар 
лукратив
ва 
онероз 
шартномаларга бўлинган.
Лукратив 
шартномалар 
томонлардан биттасининг фойдасига тузиладиган бўлиб, у
иккинчи томонга ҳеч нарсани копламаган.
Онероз шартномаларда
эса 
шартнома кимнинг фойдасига тузиладиган бўлса, ўша тараф иккинчи 
тарафга зарарни қоплаган. 
в) Шартнома тузилиш пайтида унинг сабаблари (cur debetur) эътиборга 
олинишига қараб шартномалар
казуал
ва 
абстракт шартномаларга
бўлинган. 
Абстракт шартномаларда
шартнома тузилиш сабаблари 
эътиборга олинмаган. Бундай шартномаларда судья шартнома тузишнинг 
ҳуқуқий сабабини аниқлаш ҳуқуқига эга бўлмаган: унинг бурчи томонлар 
шартнома тузганлиги ва уларнинг мажбуриятларини аниқлашдан иборат 
бўлган. Аксинча,
казуал шартномаларда
судья томонлар шартнома 
тузганми, уларнинг мажбуриятлари ва шартнома тузиш мақсади қонунга 
зид ёки зид эмаслигини аниқлаши зарур бўлган. Бундай масалалар бўйича 

---

191 
қарор шартнома тузишдан мақсад ҳуқуққа хилоф эмаслигини 
аниқлангандан кейин чиқарилган. 
г) Ҳуқуқий ҳимоя усулларига қараб, шартномалар