Узбекистон Республикаси Ташки Ишлар Вазирлиги

 Ижара 
–
Commodatum.
Ижара ёки
commodatum
реал ва икки 
томонлама шартнома бўлиб, бунда ижарага берувчи шахс ўрни 
алмашмайдиган ва истеъмол қилинмайдиган ашёни бепул вақтинча 
фойдаланишга ижарага олувчига берган. Ижарага олувчи эса, ўз 
навбатида, ашёдан шартномада кўрсатилган тартибда фойдаланиши ва 
белгиланган муддатда айнан шу ашёни бекаму-кўст қайтариши шарт бўлган. 
Ижара шартномасининг предметига, асосан, ўрни алмашмайдиган ва
истеъмол қилинмайдиган ашё (in specie) кирган. Шартнома предметига in
genere ёки истеъмол қилинадиган ашё кирса ва, тарафлар айнан шу ашё 
қайтарилишини тасдиқламаган бўлса, у ҳолда ижара шартномаси 
ўрнатилмаган. Бу ҳолда қарз шартномаси ёки омонат шартномаси 
ўрнатилган. 
Ижара шартномаси икки томонлама шартнома бўлган: тузилиш пайтида 
бу шартнома бир томонлама шартнома бўлган ва у, ўз якунига етганда
икки томонлама шартномага айланиши мумкин бўлган. Шартнома тузиш 
пайтида ижарага берувчи – фақат ҳуқуқларга, ижарага олувчи эса – фақат 
мажбуриятларга эга бўлган. 
Ижарага берувчининг асосий ҳуқуқи – ижарага олувчидан ижара
предметини шартномада кўрсатилган ҳолда сақлаши ва унинг шартномада 
белгиланган муддат ва жойда бекаму-кўст ҳолда қайтарилишини талаб 
қилишдан иборат бўлган. Бу ҳуқуқларни амалга ошириш учун ижарага
берувчи ижарага олувчи ижара предметидан шартномада кўрсатилмаган 
мақсадларда фойдалангани учун actio commodati directa ва actio furti
даъволарини қўллаши мумкин бўлган. 

---

201 
Ижарага олувчининг мажбуриятлари ижарага берувчининг ҳуқуқларига 
коррелятив бўлган: шартнома асосида ижарага олувчи ижара предметидан 
фойдаланиш ва бу билан боғлиқ бўлган сарф-харажатларни қоплашга 
мажбур бўлган. Ижарага олувчи ашёдан шартномада кўрсатилган
мақсадларда фойдаланиш ҳуқуқига эга бўлган ва бу ашёни белгиланган 
муддатда ва жойда эгасига бекаму-кўст қайтаришга мажбур бўлган. Ушбу 
мажбуриятлар бўйича ижарага олувчи casus leviores, яъни ашё бошқа
бировнинг айби билан нобуд бўлган бўлса ҳам, жавобгарликка тортилган. 
Ижара шартномаси бўйича ижарага олувчининг катта жавобгарлиги ижара 
бепуллиги ёки лукративлиги билан ифодаланади.
Истисно тариқасида, ижара шартномаси бўйича ижарага олувчи учун ҳам
тегишли ҳуқуқлар ўрнатилган. Бу ҳуқуқлар ижара предмети унинг эгаси 
олдиндан огоҳлантирмаган ҳолда бир қатор камчиликларга эгалиги ва 
ашёдан фойдаланиш жараёнида уни керакли мақсадларга тўғри келиши учун
сарф-харажатлар қилинган пайтда келиб чиққан. Ижарага олувчилар ўз 
ҳуқуқларини actio commodati contraria ёрдамида ҳимоя қилган.