Узбекистон Республикаси Олий ва ¤рта махсус таълим Вазирлиги

Блокнот ва субблокнот компьютерлар жуда ихчам бўлиб, уни инсон қўлда кўтариб юриши ҳамда истаган масала ёки муаммосини хал қилиши мумкин. Уларнинг операцион тизими ҳам шахсий компьютерларга ўхшаб, ишлатиш жараёнида фойдаланувчилар учун унча қийинчилик туғдирмайди.
Микрокомпьютерлар эса хилма-хил ускуна ёки жараёнларни бевосита бошқариш учун ёки хилма-хил ўйинларни ташкил қилиш учун мўлжалланган бўлиб уларнинг таркибига ўрнатилган бўлади фойдаланувчи учун керакли ишларни осонлик билан бажаришга имкон беради.
Шахсий компьютерлар ЭХМ ларнинг энг кўп тарқалган тури бўлиб, уларни исталган соҳада учратишимиз мумкин. Улар инсон кундалик фаолияти учун зарур бўлган барча программавий-техник воситалар билан осонгина таъминланиши мумкин. Шунинг учун хам уларнинг оммавийлиги кун сайин
ошиб бормоқда. Мисол сифатида IBM, Dell, Compaq, Sun Microsystems, Apple Macintosh, Hewlett Packard, Toshiba ва бошқаларни келтиришимиз мумкин.
Миникомпьютерлар ўртача тезликка эга бўлган компьютерлар жумласига кириб, улар яна бошқа бир неча ўнлаб компьютерларни бошқариш имкониятига ва қувватига эгадирлар. Бу холда мини компьютер бошқа қўшимча компьютерларни бошқарувчи ҳамда тўлиқ маълумот базаси ва хилма- хил турдаги ресурслар билан таъминлаб берувчи сифатида хизмат қилиши кўзда тутилган. Бундай турдаги компьютерларга мисол сифатида Hewlett Packаrd 9000, VAX, SUN, IBM 4381 ларни келтиришимиз мумкин.
Универсал ва катта компьютерлар иқтисодиётнинг турли хил соҳаларида юзага келадиган хилма-хил масалаларни ечиш учун мўлжалланилган бўлади. Уларнинг тезлиги, хотира хажми ва унумдорлиги ҳам шунга мос равишда жуда катта миқдорда бўлади. Уларга мисол сифатида IBM 4300, IBM/ES9000, CRAY 2,4,6, Borrous, M1800 ва бошқаларни келтиришимиз мумкин.
Суперкомпьютерлар ҳозирги пайтдаги унумдорлиги энг катта бўлган кўп процессорли ҳисоблаш комплекслари бўлиб, уларнинг тезлиги секундига бир неча триллион операцияларга етади. Лекин уларнинг тезлигини ўлчашда Linpact parallel тестида қабул қилинган FLOPS бирлиги ишлатилади (1 FLOPS секундига 1000 операцияга тенг деб қабул қилинган). Масалан, АҚШ да 9472 та процессордан иборат бўлган ва ҳисоблаш тезлиги 1338 гигафлопсга (GFLOPS) тенг бўлган суперкомпьютер мавжуд (Intel ASCI Red).