Узбекистон Республикаси Олий ва ¤рта махсус таълим Вазирлиги

Нашриёт системалари, уларнинг турлари ва ишлатилиши.

Нашриёт соҳасида ишлатиладиган матн мухаррирлари шу соҳа учун яратилган махсус программалар бўлиб, улар кичик нашриётлар ёрдамида газета- журнал, китоблар, турли реклама маҳсулотлари тайёрлашга мўлжалланган. Кичик нашриёт деганда, шахсий компьютер программавий- техник воситалари хамда турли-туман чоп қилувчи ва бошқа қўшимча қурилмалар орқали босма махсулотлар тайёрлаш жараёнига тушунилади. Бунда бўлажак босма махсулотлар компьютерда тайёрланиб, бу матнни териш, текшириш ва тахрирлашдан то макетлашгача бўлган босқичларни ўз ичига олади. Кейичалик макет лазер принтерида битта асл нусхада чоп этиб олинади ва ундан сўнг тайёрланган хужжатнинг макети ризограф деб номланган махсус қурилмада кўпайтирилади. Кичик нашриёт булардан ташқари муқаваловчи, брошюраловчи ва кесувчи қурилмалар билан хам таъминланади.
Сифатли ва асл макетларни тайёрлаш учун бир қанча турдаги нашриёт тизимларидан фойдаланилади. Улар мисол қилиб Page Maker, Ventura Publisher, Post Script, QuarkXPress, TEX, LATEX нашриёт тизимларини келтиришимиз мумкин.
Шулардан бири ва кенг миқёсда ишлатиладигани Page Maker программалар пакети китоблар матнини териш, тахрирлаш, кўриб чиқиш ва чоп қилишда жуда қулай восита ҳисобланади.
Ventura Publisher эса газета-журналлар матнини териш ва чоп этишга мўлжалланган. Унинг ёрдамида матнни саҳифаларга бўлиш, матн бўлакларини зарур жойларга жойлаштириш (компановка қилиш) ва шунга ўхшиш ушбу соҳада кўплаб ишлатиладиган амалларни тез ва қулай амалга ошириш мумкин.
Турли формулали матнларни (масалан математика, физика, химия фанларига оид) тайёрлашда ТЕХ ва унинг кейинги версиялари бўлган LATEX тахрирловчи дастурларидан кенг миқёсда фойдаланилади.
Қуйида биз уларнинг баъзи бирларини кўриб чиқишга харакат қиламиз. Уларнинг ичидаги энг кенг тарқалган ва талайгина имкониятларни амалга ошириб берадиган нашриёт тизими Page Maker дастури Page Maker Aldus corporation фирмаси томонидан яратилган кенг имкониятли ва қулай дастурдир. Унинг ишлаши Microsoft Windows операцион системасининг тўлиқ версияси бўлишини талаб қилади. Page Maker дастури каталог ва файллар билан ишлайди. Файл номи эса эса .pub кенгайтмаси ёрдамида ёзилади. Бошқа каталогга ўтиш учун сичқонча кўрсатгичини тегишли белгига келтириб (вертикал символга) унинг чап тугмачаси икки марта туртилади. Шундан сўнг руйхатдан керакли каталог номи танланиб, тугмачани икки марта босиш орқали ишга туширилади. Шуни хам айтиб ўтиш керакки, нашриёт тизимларининг асосий вазифаси нашрни тайёрлашда тез такрорланувчи операцияларни иложи борича кўпроқ даражада автоматлаштиришдир. Уларнинг афзаллиги эса нашр сахифаси ва унинг умумий кўринишини тайёрлашдаги қулайлик хамда ўзгартиришлар киритишнинг осонлиги ва вақт тежалишидир. Нашр
сахифасининг умумий кўринишини тайёрлашда хусусий компьютердан фойдаланиш мақсадга мувофиқдир. Асл нусха макетини босиб чиқариш учун эса лазерли ёки пост скрипт принтердан фойдаланиш маъқулдир. Матн ва суратлар компьютер хотирасига олдиндан киритилиши лозим. Нашр асосий элементларини компьютерда сақлашнинг асосий афзаллиги шундаки, матнни тўғридан-тўғри харф териш қурилмасига бериш мумкин, шунда матн билан суратларни мос жойларга қўлда жойлаштиришга эхтиёж қолмайди.