Узбекистон Республикаси Олий ва ¤рта махсус таълим Вазирлиги

Microsoft Word 2000 матн муҳаррири ойнаси тузилиши билан танишиш

Матн мухаррирларида қандай ишларни амалга ошириш мумкин, қандай қилиб тайёр матнларга керакли ўзгартиришларни киритиш ва уни тахрирлаш мумкин? Матнда хатоларга йўл қўйилса, матн мухаррири уни тузатишга имкон берадими? Грамматик, орфографик ва стилистик хатолар қандай қилиб матн мухаррири орқали тузатилиши мумкин? Матн мухаррирлари бир тилдан бошқасига таржима қилишга имкон берадими? Расм чизиш, матнга қўшимча элементлар қўшиш ва жадвал хамда расмлар қўйиш матн мухаррири орқали амалга оширила олинадими?
Ҳозирги пайтда бир қанча турдаги матн мухаррирлари мавжуд бўлиб, улар хилма-хил турдаги матнлар билан ишлаш, уларни тахрирлаш, ўзгартириш ва унга керакли ёрдамчи элементларни қўшиш имкониятини беради. Ундан ташқари замонавий матн мухаррирлари матнларни чиройли холатда ифодалаш, уларга реклама кўринишидаги имкониятларни тадбиқ қилиш каби имкониятларни хам яратиб беради. Масалан, матн харфларининг жойлашишини хилма-хил холатларда амалга ошириш, уларни координата ўқлари атрофида айлантириш, махсус эффектлар киритиш, рангларни ўзгартириш, унга расм, схема ва тасвирлар қўшиш кабилар матнга керакли эстетик кўриниш беради ва бир қанча дизайн билан боғлиқ муаммоларни хал қилишга имкон беради.
Microsoft Word 2000 - матн муҳаррири ҳам олдинги матн муҳаррирлари Лексикон, Фотон, Word Perfect ва Wordнинг бундан олдинги версиялари сингари фойдаланувчига хилма-хил матнларни тайёрлашда ва уларни таҳрирлашда ёрдам беради. Лекин унинг фойдаланувчига афзалликлар яратиб берувчи ҳамда бошқа матн муҳаррирларидан устун томонлари ҳам мавжуд. Масалан, бирор бир матн билан ишлаётганда 12 та матн бўлакларини чўнтакка олиш (Копировать в буфер) ва бу бўлакларни кейинчалик матннинг бошқа керакли жойларига қайта қўйиш каби (Вставить из буфера) имкониятларига эгамиз. Бошқа матн муҳаррирлари (масалан, Лексикон, Фотон ва бошқалар) да тайёрланган матннинг шакли (формати)ни сақлаган ҳолда осонгина Word 2000 матнига ўтказиб (Преобразовать) олиш сингари хилма-хил фойдали амалларни ҳам осонгина бажариш мумкин.