|
Принтер (чоп қилиш қурилмаси)
IBM PC компьютерлари билан энг кенг тарқалган EPSON ёки Hewlett Paccard типидаги ёки унга мос келадиган принтерлар ишлатилади. Бу принтерлар игнали, пуркагичли ёки лазерли турга мансуб бўлиб, уларда қоғозга тушириладиган тасвир игнали матрицадан иборат каллак ва ранг берувчи лента ёки катриджда жойлаштирилган махсус бўёқ ёрдамида ҳосил қилинади. Принтер белгили ва график режимда ишлаши мумкин. Белгили режимда фақат белгилар чоп этилиб, уларнинг матрицадаги образи принтернинг белгилар генераторида сақланади. Бунда принтерларнинг турли моделларида белгилар тўплами ёки қатъий тарзда белгиланиб "тикиб" қўйилади ёки принтернинг хотирасига у ишга тушишидан олдин ёзиб қўйилади. График режимда принтернинг иши белгили режимга нисбатан анча секин бажарилади, чунки пикселлар кетма-кетлигини маълум тартибда чоп этишга тўғри келади.
Принтер рулон қоғозга ҳамда оддий вараққа (А4 форматида ёки кенг кареткалисида А3 форматида) чоп этиши мумкин. Принтер тумблери одатда панелнинг ўнг томонида ёки орқасида жойлаган бўлади. Панелнинг олди томонида эса принтерни бошқариш клавишалари жойлашган бўлади. Тумблерни ёққандан сўнг унга қоғозни жойлаштириб, ON LINE клавишасини босамиз.
Принтерларнинг асосий турлари матрицали, струйний, лазерли, пост скрипт деб номланган бўлиб, уларнинг хар бири чоп этишга талаб қилинган сифат даражасига мувофиқ равишда ишлатилади.
Хусусий ЭҲМ-нинг структуравий-функционал схемаси ва ишлаши.
Хусусий ЭҲМ-ларнинг тузилиши бошқа мини ва микро ЭҲМ - лар каби бўлиб, функционал нуқтаи-назардан жуда оддийдир. ЭҲМ-нинг бош элементи бўлиб марказий процессор ҳисобланади. У арифметик ёки мантиқий амалларини бажаради, ҳамда бутун системанинг ишини назорат қилади. Компьютер интеграл схемалар кўринишидаги микропроцессор бошқаруви асосида ишлайди. Шунингдек яна бир қанча қўшимча интеграл схемалар бўлиб, улар ахборотларнинг кириб-чиқиш жараёнларини ташкиллаштиради ва бошқарув функциясини таъминлайди.
Ахборотлар компьютерга тугмачалар мажмуасидан ёки ташқи хотирадан магнит ленталарида ва магнит дискаларида маълумот тўпловчилар орқали киритилади. Ҳисоблаш натижалари терминал экранида тасвирланади. Дисплей сифатида ўзи компьютер таркибига кирувчи ва монитор деб аталувчи электрон- нурланувчи трубка асосида кўрсатиб тасвирловчи қурилмадан ёки суюқ кристаллардан ташкил этилган қурилмадан ёхуд одатдаги телевизион экранидан фойдаланилади.
Процессор ва ташқи қурилма компьютернинг аппаратли таъминотини ташкил этади хамда ўзига маълумотларни қайта ишлаш ва сақлаш қурилмаларини, фойдаланувчи билан бошқа электронли схемалар ўртасида ахборотларнинг алмашинуви алоқаси жараёнларини бирлаштиради. Асосий таркибий қисмлар бир-бири билан параллел ўтказилган информацион шиналар орқали боғлангандир.
Шундай қилиб барча хусусий ЭҲМ-лар, компьютерлар ва микро ЭҲМ- лар қуйидаги функционал блоклардан ташкил топади (1-расмга қаранг).
Унинг асосий элементлари - арифметик-мантиқий ва бошқариш қурилмаларидан ташкил топувчи процессор, хотира, ахборотларни киритиб- чиқарувчи қурилмалар. Бу функционал блокларнинг ЭҲМ-га бирлашуви қуйидаги шиналар системаси орқали амалга оширилади.
Маълумотлар шиналари - улар орқали ЭҲМ да ахборотларнинг алмашинуви амалга оширилади.
Адреслар шиналари - адресларни узатиш учун ишлати-лади. Бу шиналар орқали ЭҲМ-нинг ҳар хил қурилмаларига мурожаат қилиш амалга оширилади.
Ва ниҳоят бошқарув шиналари - бошқарув сигналларини узатиш учун ишлатилади.
Кўшимча қурилмалар контроллер–лари
Монитор адаптери
ТМҚ
Хусусий ЭҲМ-нинг структурали - функционал схемаси.
Экран
Қўшимча қурилмалар
Портлар орқали уланадиган қурилмалар
(принтер, сичқонча, джойстик ва х.к.)
ТМҚ - тугмачалар мажмуаси қурилмаси ОХҚ - оператив хотира қурилмаси
ДХҚ - доимий хотира қурилмаси
ЮМД -юмшоқ магнит дискли қурилма
ИФБ - интерфейсли функционал блоки. У процессор билан унга функционал равишда уланган қурилмаларни боғлаб туриш вазифасини бажаради.
Замонавий компьютерларнинг ҳисоблаш тезлиги мингларча марта ўсган бўлса, унинг ўлчамлари, энергиядан фойдаланиш даражаси бир неча ўн минг мартагача камайди. Компьютер мантиқли элементларининг ва хотира қурилмаларининг баҳолари мунтазам равишда камайяпти. Хусусий компьютерларнинг катта муваффақият қозонишига қуйидаги сабабларни келтириш мумкин:
Ишлатиш осонлиги ва мулоқот содда равишда амалга оширилиши;
Компьютер билан хеч қандай чегараланишларсиз ишлай олиш мумкинлиги;
Юқори ишончлилик даражаси;
Таъмир қилишнинг осонлиги;
Кенгайтириш ва мукаммаллаштириш имкониятлари;
Жуда кўп турдаги амалий масалалар ечиш учун мўлжалланган программавий таъминот мавжудлиги;
Do'stlaringiz bilan baham: |
