Узбекистон республикаси халк таълими вазирлиги қашқадарё вилояти хтб

Зарарсизлантириш (нейтрализация) – 1 тонна аммиак буғларини зарарсизлантириш учун 20 тонна сув зарур бўлади, аммиак буғларини зарарсизлантириш вақтида сувни майда пуркалган ҳолда қулланилади, яъни сувни аммиакли идиш устига тўғридан – тўғри сепиш ёки қуйиш ТАЪҚИҚЛАНАДИ.
Биринчи тиббий ёрдам. Жабрланганлар очиқ ҳавога олиб чиқилади, имкон даражасида ҳавоси нам, иссиқ бўлган тинч жой билан таъминланади. Тери ва шиллиқ қаватлар сув ёки 2 % ли бор кислотаси билан ювилади. Кўзга альбуциднинг 30% ли эритмасидан 2-3 томчи томизилади. Аммиак билан захарланганда сунъий нафас олдириш тақиқланади.
СУЛЬФАТ КИСЛОТАСИ
Физик-кимёвий хоссалари. Рангсиз оғир суюқлик. Ҳавода секин буғланади, коррозиявий ҳамда кучли оксидловчи. Сув билан иссиқлик чиқариб ва сачраб реакцияга киришади. Ёнмайди. Ёғоч жихозларини сувсизлантириб ёнувчанлигини оширади. Органик эритувчиларни ва ёғни аланглантиради.
Зарарловчи концентрацияси 0,4-0,5 мг/л. Ўлдирувчи дозаси 1 соат экспозицияда 1,4-1,7 мг/л.
Таъсири. Томоқ ачишиши, нафас олиш қийинлашиши, қуруқ ютал қўзғалади, лаблар, дахан териси, оғиз шиллиқ қавати, ошқозон куйиши, овоз хириллаши, қонли ич кетиши қўзғалади.
Зарурий тадбирлар. Газдан қутқарувчилар, ўт учирувчилар, ДСЭНМ ва тез тиббий ёрдам ходимлари чақирилади.
400 м радиусдаги худуд изоляция қилинади. Зарарланган худудга тушган ахоли хабардор этилади, керак булганда эвакуация қилинади. Ҳимоя воситалари: “В” маркали газниқоб, РПГ-67В, РУ-60МВ, ИП-4,46 респераторлари, Л-1 костюми.
Зарарсизлантириш (нейтрализация) – сулфат кислота тукилганда уни зарарсизлантириш учун кальцийли сода (тоза холда ва сув эритмаси) дан, 20% ли каустик сода эритмасидан, қуруқ охакдан фойдаланилади. Сульфат кислотани зарарсизлантириш учун унинг устига сув қўйиш жуда оғир оқибатларга олиб келади.
Биринчи тиббий ёрдам. Жабрланганлар очиқ ҳавога олиб чиқилади, ифлосланган кийимлар ечилади теридан сув билан ёки 2 % ли сода эритмаси билан ювилади. Ахвол оғирлашса касалхонага ётқизилади.