Uyg’onish davrida italiya haykaltaroshligi

Uyg'onish davrining buyuk italyan haykaltaroshi Mikelanjelo Buonarroti

• Mikelanjelo 1475 yil 6 martda Toskanodagi Kapreze shaharchasida florensiyalik dvoryan Lodoviko Buonarotti oilasida tavallud topgan. Uyg‘onish davrining buyuk italyan haykaltaroshi, me’mori, rassomi va shoiri Mikelanjeloning bolalik yillari Florensiyada o‘tgan. O‘z iqtidorini juda erta namoyon eta boshlagan Mikelanjelo 13 yoshidan D. Girlandayo ismli rassom ustaxonasida rassomlik va haykaltarosh Bertoldo di Jovannidan haykaltaroshlik sirlarini o‘rgana boshladi. O‘zining eng yirik asarini 26 yoshida yaratishga kirishdi.
• Florensiyada marmardan balandligi 5 metrli haykal yasashga kirishgan bir haykaltarosh uni bu­zib qo‘yadi va ishni oxiriga yetkazmay tashlab ketadi. Bu ishni davom ettirishga hech kim jazm eta olmaydi. Mikelanjelo bu ishni davom ettirishga kirishadi va 3 yillik mashaqqatli meh­natdan so‘ng buyuk bir haykal yaratishga muvaffaq bo‘ladi. U yakkama-yakka kurashda o‘z xalqining dushmani – pahlavon Goliafni yenggan yosh yigit Davidning haykali edi.

Haykaltarosh o‘z qahramonining kurashga otlangan paytdagi holatini tasvirlagan: chap qo‘lida sopqonni ushlagan holda ko‘zlarini katta ochib pah­lavonga tikilib turibdi. David o‘ta qat’iy, xotirjam va shafqatsiz qiyofada.Mikelanjelo ijodiga xos mahobatlilik, mutanosiblik quvvati, ichki taranglik va dramatizm, inson go‘zalligi oldida bosh egish kabi asosiy xislatlar uning yoshligidanoq ko‘zga tashlanadi, u obrazlariga insonparvarlik, yorqin hayotiy haqqoniylik baxsh etdi.

Haykaltarosh o‘z qahramonining kurashga otlangan paytdagi holatini tasvirlagan: chap qo‘lida sopqonni ushlagan holda ko‘zlarini katta ochib pah­lavonga tikilib turibdi. David o‘ta qat’iy, xotirjam va shafqatsiz qiyofada.Mikelanjelo ijodiga xos mahobatlilik, mutanosiblik quvvati, ichki taranglik va dramatizm, inson go‘zalligi oldida bosh egish kabi asosiy xislatlar uning yoshligidanoq ko‘zga tashlanadi, u obrazlariga insonparvarlik, yorqin hayotiy haqqoniylik baxsh etdi.