Қува туманини 2019-2020 йилларда ижтимоий-иқтисодий ривожлантириш борасидаги муаммо ва таклифлари. 1-масала

Қува туманини 2019-2020 йилларда ижтимоий-иқтисодий ривожлантириш борасидаги муаммо ва таклифлари.

1-масала. Хорижий инвесторлар томонидан Қува туманида Қишлоқ хўжалиги масулотларини қайта ишлаш ва экспортбоп маҳсулотлар ишлаб чиқариш ташаббуси билдирилмоқда.
Бошланғич ҳисоб-китобларга кўра мазкур лойиҳаларни амалга оширилиши туманга 20-30 млн. доллар тўғридан-тўғри хорижий инвестиция жалб этиш, хом ашёдан тайёр маҳсулотгача бўлган циклни ўз ичига олувчи ишлаб чиқариш учун жахон стандартлари талабига жавоб берувчи замонавий техника- технологияларни олиб кириш ҳамда 500-600 нафар янги иш ўринлари яратилади.
2-масала. Қува туманида мавжуд бўш турган бинолар негизида Туркия давлати тадбиркорлари томонидан трикотаж маҳсулотларини тикиш лойиҳаларини амалга ошириш ташаббуси билдирилмоқда. Бунинг натижасида туманимизда 2-3 млн.доллар қийматига тенг ва энг асосийси 1000 нафарга яқин хотин-қизлар учун янги иш ўринлари яратилади.
Таклиф: Юқоридагиларни инобатга олиб, Қува туманида узлуксиз электр таъминотини таъминлаш мақсадида, туман худудида жойлашагн СОКИН НИМ станциясидан туман марказига қўшимча электр узатиш тармоғини тортиш масаласини ҳал этиш. Бунда Ўзбекэнерго АЖга тегишли кўрсатмалар бериш.
3-масала. Қува туманида жойлашган “Каркидон” сув омбори худудида бўш турган ва фойдаланилмаётган ер майдонлари негизида экотуризм, спорт туризм ҳамда агротуризмни ривожлантириш, яъни маҳаллий ва хорижий инвесторларни жалб этган ҳолда, замонавий мехмонхона, дам олиш масканларини ташкил этиш натижасида 500 га яқин янги иш ўринларини яратиш.
Таклиф: Юқоридагиларни инобатга олиб, Қува тумани “Каркидон” сув омбори дирекциясини ташкил этиш ва масалада Ўзбекистон Туризм қўмитасига тегишли кўрсатмалар бериш.
4-масала. Қува туманида экспортни ривожлантириш мақсадида салоҳиятли тўғридан-тўғри хорижий инвестиция киритиш истагини билдирган лойиҳа ташаббускорларига қўшимча имтиёз яратиш мақсадида.
Таклиф: Фарғона-Қува йўналишидаги автомобил йўлларига туташ худудларида (Ер бонитети 40 баллдан паст) бўлган 5 гектарлик ер майдонида Қишлоқ хўжалиги маҳсулотларини қабул қилиш, саралаш ва сақлаш фаолиятини йўлга қўйиш бўйича Агрологистика қуриш учун вилоят ҳокимлиги томонидан тасдиқланган ва тегишли идоралар билан келишилган лойиҳалар бўйича хорижий инвестиция миқдори 5,0 млн.доллардан ортиқ бўлиш шарти билан ер ажратиш учун Ўзбекистон Республикаси Вазирлар Маҳкамасининг рухсатини олиш.

Қува тумани ҳокими Р.Қурбанов