ЎҚув-услубий мажмуа фарғона 20

Ихтиёрий суғурта - томонларнинг хоҳиш-иродасига кўра амалга ошириладиган суғурта муносабатлари.
Мажбурий суғурта – суғурта шаклларидан бири бўлиб, унда суғурталовчи ва суғурталанувчилар ўртасида суғурта муносабатлари қонун кучида юзага келади.
Суғурта – кўрилиши мумкин бўлган зарарларни манфаатдор жисмоний ва юридик шахслар ўртасида қоплаш.
Суғурта бадали (мукофоти) – суғурта суммасига нисбатан белгиланган суғурта тарифи бўйича пул тўлови.
Суғурта гувоҳномаси (полиси) – суғурта амалга оширилганлигини тасдиқловчи ҳужжат.
Суғурта далолатномаси – ўрнатилган тартибда расмийлаштириладиган ва содир бўлган суғурта ҳолатини ҳамда сабабларини тасдиқловчи ҳужжат.
Суғурта қилдирувчи – суғурта бадалларини тўловчи ва конкрет суғурта муносабатларида қатнашувчи жисмоний ёки юридик шахс.
Суғурта класси - муайян умумий белгилар бўйича бирлаштирилган суғурта турлари йиғиндиси.
Суғурта қоидалари – ихтиёрий суғурта шартларини белгиловчи меъёрий ҳужжатлардан бири.
Суғурта лимити – моддий қийматликлар ва суғуртавий масъулиятларни суғурталаш мумкин бўлган максимал пул суммаси.
Суғурта масъулияти – суғурталовчининг суғурта ҳолатлари рўй берганда суғурта қопламалари ёки суғурта суммаларини тўлаш бўйича мажбурияти.
Суғурта муддати – суғурта объектининг суғурталанган даври.
Суғурта суммаси – суғурта объектини ҳақиқатда суғурталанган қисмининг пул кўринишидаги қиймати.
Суғурта тарифи – суғурта суммасига нисбатан фоиз ставкаси.
Суғурта тури - суғурталовчи томонидан ишлаб чиқиладиган ва суғурта қилдирувчига суғуртанинг бир ёки бир нечта класси доирасида кўрсатиладиган аниқ суғурта хизмати.
Суғурта ҳимояси – конкрет объект томонидан кўрилган зарарни бартараф қилиш ёки қоплаш бўйича муносабатлар.
Суғурта ҳолати – суғурта қопламаси ёки суғурта суммаси тўланиши керак бўлган турли салбий ва бошқа келишилган оқибатларга олиб келувчи ҳақиқатда содир бўлган ҳолатлар.