Ўқув қулланма Тошкент 2011 йил

Каналларни дуплекслаш схемалари

Дуплекс тарқоқлик ҳар икки йўналишларда битта линия бўйича ахборот алмашиш имкониятини тавсифлайди. Дуплекс узатишнинг каналларни частота (ингл. Frequency Division Duplex-FDD) ва вақт (ингл. Time Division Duplex-TDD) бўйича ажратиш турларига бўлинади. Частота бўйича ажратишли FDD дуплекс узатишда “пастга” ва “юқорига” линияларда алоқа турли (қоидага кўра, симметрик) частотали каналларда амалга оширилади. TDD режимда абонентлар орасида икки томонлама алоқа узатиш ва қабул қилиш, каналлар вақт бўйича зичлаштирилган битта элтувчида таъминланади, бу ажратилган частоталар полосасидан фойдаланишда тизимни ихчамлаштиради. FDD режими соталар катта ўлчамларида (макросоталар) ва МС юқори тезликда ҳаракатланганда самаралироқ ҳисобланади. Ўз ўрнида TDD пико ва микросоталарда, яъни МС унча катта бўлмаган тезликда ҳаракатланган ҳолларда ишлатиш учун мўлжалланган. FDD дан фарқли равишда TDD режимида жуфт частоталар полосаси талаб қилинмайди, бу сотани қидириш жараёнини соддалаштиради ва соталар орасида каналларни самарадор тақсимлаш имкониятини беради. TDD режимда тўғри ва тескари каналларда трафик ҳам симметрик, ҳам асимметрик бўлиши мумкин. TDD нинг бошқа афзаллиги битта режимли терминални амалга оширишнинг соддалигидан иборат, бу дуплексернинг мавжуд эмаслиги билан асосланади. Ҳаракатдаги радиоалоқа мавжуд кўплаб 4G тизимларида частотали дуплексли тарқоқликдан фойдаланилади. TDD режими DЕСТ, Iridium, UMTS ва CDMA-2000 (FDD билан бир қаторда), Wi-Fi, WiMAX ва LTE (FDD билан бир қаторда) тизимларида ишлатилади. Алоқани ташкил этишда ва юқори ўтказувчанлик қобилиятини таъминлашда ихчамликка эришиш учун FDD ва TDD усулларидан комбинацион кўринишда фойдаланиш мумкин. Албатта, бунда икки режимли (FDD / TDD) терминаллардан фойдаланиш талаб этилади, лекин бир хил (идентик) микросхемалардан фойдаланиш натижасида бундай терминаллар бир режимли терминалларга қараганда бир оз мураккаб бўлади.

2.